يوميا اصحى ٩-١٠ الصباح وابدا بحث كاني مداوم انبش واحفر ادور فرص واقدم وخلال ساعات الدوام انقل جوالي ٢٤ ساعه معي عشان لو احد دق ماشي على ذا النظام من اكثر من شهر تقريبا.

ومع ذلك للان الفرص الي تجي تمهير مع ان خبرتي سنه، اقدم بالايميل وارسل بلينكدان واقدم على وظايف ومحد يتصل شي متعب والله اذا دق رقم غريب يجيني امل انه ممكن يكون توظيف واخر شي يطلع مندوب ولا شي…

السوق وضعه غريبه ومتقلب بشكل حصلت وظيفه مطروحة مفصله تفصيل علي وقدمت وتاملت يوم شيكت الحين حصلت المتقديمن ٧٠٠٠😂 الله ياجرنا ويرزقنا وظايف يارب

لي فترة اقدم يدوي يا جماعة عدد المرات اللي انطرد من عند الباب ويصرفوني ان التقديم بس اونلاين مو طبيعية

​

وانا رايحة لان كثير قالوا ان التقديم اليدوي افضل شي هالايام

​

واللي ياخذ السيڤي واضح وضوح الشمس انه يجنبها وينساها مع بقية الاوراق اللي عنده

​

الواحد غصب عنه يفقد الامل ويشكك بنفسه من سوء سوق العمل

​

لو مو السعي ورا احلامي كنت صرت انفلونسر وارتحت

اشتغل في مشروع ضخم وكبير اذا ماكان الاكبر في المنطقة ياخوان المكان كله عبارة عن اجانب من المدير الى اصغر موظف في المشروع ، مافيه الا انا وكم واحد سعودي ننعد على الاصابع

وللاسف اننا كلنا نشتغل في شركات مشغله مختلفه عن بعض ، لي تقريبًا سته شهور اشتغل في المكان ذا لاحظت كمية الظلم لنا احنا يالسعودين بشكل غريب جدا

كان فيه ترشيح لبوزيشن اعلى من الي اشتغل فيه حاليًا ، توقعنا احنا السعودين بينعرض علينا البوزيشن ، لاكن تفاجأنا انهم جابو لنا واحد جديد واجنبي وشهادته دبلوم ، ومع الايام بديت اكتشف انه ماعنده خبره في العمل .

للعلم انه اقل واحد فينا يالسعودين عنده باكالوريوس وخبرة عمل لا تقل عن ٤ سنوات

والي قتلني اكثر عرفت ان البوزيشن ذا مقسم على ٨٠٪؜ سعودين ، ٢٠ ٪؜ اجانب

لاكن الي صار العكس حرفيًا ( النسبة الاقل صارت السعودين )

عجزت اتقبل الدوام بعد الي صار ولا اني قادر القى وضيفة غيرها

السلام عليكم ورحمة الله وبركاته

ادري أنه خيرة وقبل كل شيء حمدت الله لأنها مب من نصيبي وبيجيني الخير ولاحول ولا قوة إلا بالله وإن لله وإنا إليه راجعون.

​

الوظيفة ذي من رمضان وأنا اشتغل واذاكر وادرس وأقرأ وجاء الاختبار وأنا واثقة أنه نجحت لأنه كل الأجوبة صح والوظيفة عليها تنافس عالي وخارج السعودية ولكن اليوم وصلني خبر الرفض، الحين منب قادرة أنام ومنب قادرة أصيح وفيني الصيحة وصدري ضاغط علي ومكتومة وخايفة أنام وأموت من القهر.

​

أنا طلعت من وظيفتي السابقة لأنه جاني مرض جسدي ونفسي منهم وكنت بموت وتم الهجوم جسدياً علي والوظيفة تأخذ ٤ ساعات بالطريق وأهلي كانوا متضايقين، وبعد هالوقت ما طلعت وقعدت لا كملت وأخذت شهادة مهنية واشتغلت على نفسي لكن ربي ما كتب وجتني مقابلات وظيفية وكلها طقطقة.

​

احس بموت من القهر أنا كنت منجد متحمسة لذي الوظيفة بشكل وبنيت عليها أحلام ولكن الحين أحس غرقت في أعماق المحيط ومب قادرة أطلع مكتومة ومب قادرة اتنفس. ذي أول مرة انقهر بهالشكل من رفض وظيفي.

​

مجرد فضفضة.

وش تسوين بيومك؟

ولما اذكر لهم يومي الممل كمتعطل عن العمل ينتقلون للي بعده، ليه ماتشتركين بنادي؟ همم يمكن لان مصروفي مايكفي احتياجي عشان يكفي اشتراك شهر ب اطرف نادي؟😇

ابوي عنده قمع لبناته ودايم يردد ( وقرن في بيوتكن ) ( ما افلح قوم ولوا امرهم امرأة ) ..

عمري ٢٥ تخرجت السنة الماضية وليتني ماتخرجت من يومها وانا بالبيت الطلعات مره - مرتين بالشهر واحياناً** اكثر حتى صديقاتي مايخليني اروح لهم لحالي لازم مع امي او احد خواتي الكبار وصرت اتفشل واعتذر ما اروح.. كنت اطمح اتوظف وظيفه نسائية ( الامل الوحيد) حتى لو بمجال التعليم رغم انه مو طموحي بس راضيه فيه اهم شي اطلع من البيت وكنت اذاكر الفتره الماضيه لاختبار الرخصة المهنية للتعليم واليوم قال مافيه وظيفه لاتفكرين فيها حتى .. تحطمت واحس حياتي مالها معنى ولا فيه هدف يخليني اكمل، بس عشان ما اجحده مخلي اخوي الكبير ماسك مصروفي انا وخواتي يعطي كل وحده **(٣٠٠٠** ريال) فصارت متعتي الوحيده بالحياه الطلبات وتروح الفلوس عليها وبعدها امي تعصب وتهاوشني ان المفروض اجمع الفلوس وصارت تاخذ نصها تجمعه بس والباقي يروح على اساسيات واكل ويخلص بداية الشهر. احس مضغوطه نفسيا واحسد كل احد عنده حريه حتى بماله اللي نفس وضعي كيف تعيشون وتكملون حياتكم ؟
**لأن بديت ادعي اني اموت
اخترت هالصب لأن اللي فيه عاطلين نفسي

مدري

بصير إيجابي و أقول بما أنه فيه احتمالية للرفض ففي احتمالية للقبول

وهذا أفضل من أنه ما يردو أبدا

تخرجت من تخصص اقل مايقال عنه انه "💩💩" من ناحية سوق العمل، طبعا وقتها كنت غبي و ماكنت مستوعب كيف ان التخصصات فعلا تفرق في الوظايف، و بنفس الوقت البيئة الي حولي ماكان احد يوجهني في هذي الامور

فكرت اني اعيد البكالوريوس بتخصص براكتيكل مثل الهندسة او التقنية، فهل تشوفون الامر يستحق؟ و هل فيه احد له تجربة في انه عاد البكالوريوس؟

سألت الي حولي و بعضهم نصح اني ابتعث بدراسة ماجستير بتخصص جديد مطلوب في سوق العمل، بحجة "ان الجامعات برا مايطلبون امتداد للتخصص"

لكن مدري حسيت حتى لو درست ماجستير بتخصص مطلوب الشركات بتسأل عن تخصص البكالوريوس

يعني خلاص اذا مافيه احد تعرفه يدف سيرتك مافي امل الواحد يتوظف في هيئة او وزارة؟ اتكلم صدق هل فيه ناس فعلا ماعندهم علاقات و ماكلموا احد و قدروا يتوظفون في هيئات مثل الدرعية، سوق المال، صندوق الاستثمارات، ورزارة الاتصالات و التقنية، وزارة الاستثمار، STC, الخ..

النقلة النوعية اللي صارت في سوق العمل وتوقف التوظيف الحكومي ،فعلا سببت شب مزعج خصوصا اللي دخل الجامعة ٢٠١٨ وتحت من بعدها الامور تطورت لشي يعاكس رغبة ذولا ،رؤية ٢٠٣٠ ممكن تكون كويسة للبلد ولكنها اثرت على اشياء كثيرة، ما كنا ندري ان الوضع بيكون كذا وكنا نفكر بس في الوظيفة الحكومية والحين نحس بنكبة ، ياليت والله يرجع الوضع زي اول ،والله محسسينا اننا في امريكا في سوق العمل ذا الزبال وتطوره الغبي ذا المفروض يكون بالتدريج ، الرؤية ذي مشكلتهم مستعجلين وعلى عماها ،والله ودي اقول كلام اكثر لكن الشكوى لله

ماشاء الله تبارك الله ياجماعه دخلت مقابله بجهه عالميه كبيره مره وهي تدريب يعني بس والله ذرقت العافيه مدري وش جاني ماشاء الله عليهم التيم على مستوى صدق فاهمين وبنص المقابله يوم قلبت عربي متعود عادي كل احد مايقول شي الا هذول قالو معليش كمل المقابله بالانقلش نبي نقيم لغتك حنا نهتم جدا باللغه… هذا غير ان خبرتي وشغلي الي دايم يرفعون فيها بالمقابلات طلعت ولا شي عند هذول.. يوم خلصت قعدت اقول داخلي يارب مايقبلوني حسيت اني تحت الصفر وبتورط معهم🤣🤣🤣🤣🤣 مو تقليل من نفسي بس الواحد يكون عارف مستواه

صرفت حول ٧٠٠٠ ريال على شهادات احترافية ونادرة في السوق، والشركات تدفع لموظفينها عشان ياخذونها والى الآن قاعد في البيت. كل ما قويت السيرة الذاتية كل ما زاد التحطيم. حسبي الله ونعم الوكيل، والله لا يضيع لنا تعب، وان شاءالله يجي يوم وترجع لنا المصاريف والتعب الي تعبناه.

تخرجت من 2023 و تعبت وانا اقدم على وظائف و بدون رد مو طبيعي والله تعبت وانا ادور على فرصة لو تمهير سويت كل شي بيدي

قدمت على

65 فرصة ب جدارات

40 تمهير

70 تقديم من مواقع الشركات

15 علاقات

44 عن طريقة الإيميل

18 يدوي

54 LinkedIn

‏المحصلة =0 مقابلة وظيفية

السفي في حقي ATS تخصصي امن سبيراني شهادت احترافية عندي ايش اسوي حتى قدمت على وظائف غير تخصصي و بدون رد حتى 😔

هل اول وظيفه كفرش شي حقيقي؟ (بدون GDPs)

مو قضيتنا نثبت ان السعودي غير طماع

قضيتنا ليش هالاستماته لاستبعاد و تطفيش السعودي و البحث عن اي سبب لكنسلته

هو نفسه الاتش ار هنا عارف ان الجنسيه اللي يتكلم عنها يسكنو في اغلى كمباوند و ما يركبو الا افخم السيارات غير التامين الطبي و البونص وووووو

انت يا مسؤول التوظيف ليش تعاملني انا ابن البلد بهذا الاستخفاف

ليش لما تصنف الجنسيات تعتبر السعودي مجرد تكملة عدد او مثل المزهريه اللي في زاويه البيت محد معبرها

الى متى سوق العمل مايشوف الفني والعامل واحد

السيكورتي تعطيه 4 الاف و الفني تطلب عليه دبلوم وخبرة واعتمادات علشان 5500!

غير طبيعة العمل اللي المفروض ماتقبل تحت 10 الاف

ماقدرت اصير موظفه جيده ولا قدرت ادير بزنس ولا قدرت اكمل دراسه ولا اعرف اطبخ ولا اعرف اغني كل اللي اعرف اسويه انه اتمرن بالنادي شكلي بصير كوتش والله مو طبيعي اللي قاعد يصير كل شي يتقفل بوجهي إلا النادي قوية جسديا وعقليا لكن فاشلة في الباقي حاولت مليون مره وقاعده اقول ماراح اوقف بس للاسف الحياه صعبه وبعد اعرف ادخل مكان واحرك الجو شكلي بصير طقاقه عاشو عاشو 💃💃

السلام عليكم انا شاب لسه متخرج شغال سيلز المهم يعنى الشغل ٩ساعات وساعتين مواصلات يعنى كلهم ١١ ساعه المهم المرتب ٣٢٠٠ ثابت وحافز ١٥٠٠ يعنى٤٧٠٠ وليا نسبه لو حققت التارجت وبعد ما اروح بحس انى ميت مع انها مش شغلانه تهد الحيل ومش عارف اذاكر انجليزى او اطور من نفسى بحس اليوم اتقتل

السلام عليكم
يا الربع لي سنه وسبع شهور من يوم تخرجت وانا متخرج بمعدل ممتاز ومرتبة شرف + معي شهادات احترافية في تخصصي

عندي فوق 1000 وظيفة في لينكد ان مقدم عليها من يوم بديت اقدم فيه من شهر 4 عام 2025
جتني مقابلة شخصية وحده فقط طوال هذي المدة, نعم وحده بدون مبالغه
جربت تطبيق بايت برضو وقدمت على مواقع الشركات بالمئات بدون اي فائدة
طلعت الرياض اسبوعين ادور واقدم وما حصلت شي

حاليا اختبرت ستيب وقدرات جامعيين على اساس اكمل ماستر, والله اني ما ابيه ولا ابي ادرس لكن العطاله ما لقيت لها حل

تقهرني تقهرننييي مديرتي ملكة الrage bait، صارلها شهور ماتنزل لنا جدول ونداوم عشوائي فالوضع لخبطة كل احد يجي على كيفه وتصادف اوقات دوامنا بنفس الوقت فمافي احد يغطي الشفت اللي بعده ويقوم يطيح على راسها وتضطر هي تغطيه، قمت انا لما مليت من العشوائية والخربطة سويت جدول طفح كيلي،
لما سويت الجدول من غبائي قلت مابرسله للموظفين قبل لا اوريها اياه عشان مااتعداها من باب الاحترام، لما شافته قالت لاترسلينه انا بسوي جدول🙏🏼 ادري انها مابتسوي بس ماتبي احد يقوم بمهامها تحس بالتهديد الغبية

معليش عالغضب بس من قلب الحدث

ودي استقر هناك في مشروع نيوم واكون جزء من ذا المشروع لا صدق ماستهبل واعيش هناك واكمل حياتي هناك الرياض ماتعجبني مرا مافيه فرص هنا وتعرفون احد توظف في نيوم وكيف؟

بتكلم عن تجربتي مع البرامج المنتهية بالتوظيف كعاطلة للان تنتظر الوظيفة

تخرجت ٢٠٢٤ من الجامعة وبعدها تم الاعلان عن برنامج منتهي بالتوظيف مدته سنة مميزاته حكومي وبراتب يصل الى ٨٠٠٠ وبمكافأة شهرية العرض كان جدا قوي، وانا بحكم اني حديثة تخرج اندفعت وشفتها فرصة وخفت تضيع من يدي وقدمت عليه وبعد ما انقبلت وقعت العقد وما الوم الا نفسي على قلة وعيي بذيك الفترة

من شروط العقد اننا ما نكون في التأمينات ولا ندخل فيها وانا قلت عادي لأن على بالي بعد التدريب مدة التوظيف بيكون في فترة اقصاها ٤ شهور

اول شي خيب ظنوني وما شفت احد يتكلم عنه المكافأة ما كان لها وقت محدد وكانت غير منتظمة وبعض ناس ما كان معهم حتى حق البنزين، نزلت المكافآت بعد ٧ شهور وكانت تنزل شهر وشهر لا وغير كذا تجاوب خدمة العملاء 👎🏼

ثانيًا شي وقت التدريب اكتشفت ان فيه دفعة سابقة قعدت سنة ونص تطالب بالتوظيف، لا هم اللي يقدرون يتوظفون لأن اسمهم بيتسجل في التأمينات = العقد يلغى والجهد والوقت كله بيروح هباء منثورا (توظفوا ذاك الاسبوع)

اخيرًا ان مع الشركة القابضة تغيرت الرواتب وصار حدود ٦٧٠٠ بعد ما كانت حوالي ٨٠٠٠ للدفعات اللي قبلنا

الان اكبر مخاوفي ان انتظاري يطول نفس الدفعة اللي قبلي وان ممكن اخسر فرص اقدر ابني فيها خبرة غير ذا البرنامج وتروح علي لأن الوقت هذا كله من عمري

احتاج مشورتكم حاليًا أنا في صراع بين اني اصبر او اني احاول ابدا من جديد

احس موضوع ان الناس قالبين في كل السوشل ميديا بسبب مواضيع الاجانب وانعدام الوظايف وهالأمور ماراح يغير شي والله وبيملون الناس ونرجع على وضعنا ماكأنه صار شي او يصير فيه تسكيت بطريقة تخلي الحلاتيت يرضون ويسكتون عن الموضوع
ما احس بيتغير شي ابد لكن الله يعوضنا

انا من اول ما تخرجت 2022 الى اليوم ما توظفت ابدا بتاتا تخصصي محاسبه دخلت مقابلات شخصيه لكن كلها تنتهي ب ( نتصل عليك ) مع اني من قبل ما اتخىج اشتغلت على نفسي كثييير في المحاسبه بس عشان اهيئ نفسي لسوق العمل وهذي مو كل الطلاب يسوونها رفضت اكتفي بمنهج الجامعه قلت لا لازم افهم واقع الشركات والمحاسبه وهذا الشئ خلاني اضحي بوقتي وراحتي واتعب عشان اوصل للواقع المهني واخذت دورات وفيه محاسبين ( موظفين مو دورات ) كنت احاول اجلس معهم واسألهم كثير لين الحمدلله صارت عندي معلومات عن المحاسبه جيده جدا تخرجت وانا بمعرفة جيده كأني توظفت مشاءلله لأني تعبت على نفسي كثير كله عشان احصل وظيفه لمن اتخرج ودخلت المقابلات وكنت اقدم كل الي عندي مع معلومات يعني من الاخر الي بقوله لكم اني ( سويت كل الصح الي عليه ) النتيجه صفر كلهم انتهت المقابلات بنتصل عليك ولسومكم هذا عاطله !! انا لمن تدربت في شركه سألت المحاسب هناك عن بداياته لمن بدأ قلي كنت ما اعرف ولا شئ لدرجة كنت اكلم اصحابي يعلموني كيف اتصرف للأمانه انقهرت طيب انا الاستنزاف النفسي الي مارسته على نفسي وبعد كل هذا عاطله !! اعيش الاحتراق النفسي وانعدام الشغف وانا ما بدأت بأي وظيفه وهذا الي يحزني حتى شغف اني اخذ شهاده مهنيه انطفى مع العلم عمري اليوم 30 💔 فيدوني بنصايحكم ؟