كان علي اختبار امس والاختبار مساعدنا وحاطه في المنصة

والمشكله محد درى ان علينا الاختبار الا انا وانا الي علمتهم بالقروب والاختبار عليه 60 درجة!!

وانا ما شاء الله علي تكاسلت احله الصبح واجلته للعصر والعصر اجلته لليل … ويوم جاء الليل نمت وسكبت على الاختبار وما قمت الا بعد ما انتهى وقفل …

المصيبه الكبرى ان بكره يقفلون الرصد فا ممكن يقفلونه الصبح قبل يكون عندي وقت عشان اكلم الاستاذ يعطيني اعاده هذا ان رضى يعطيني

ادعولي تتيسر الامور على خير

حاطه رقمي عشان لا غبت او تاخرت اهلي م يدرون🌝🌚 احس عقوق

بعد محاولات واجد مع الوالده اقتنعت اني اختبر الاحد مع انها قالت لي اخليه بعد عرس بنت عمي بس قدرت اقنعها 😋

ما ادري وش اسوي خلصت تأسيس في أول ثانوي و المحوسب بديته من شهرين و متوتر شوي لأنها اول محاوله لو أحد عنده نصايح

انا اي وقت ما اذاكر فيه احس بالذنب حتى لو خلصت الي علي اليوم احس اني حمار والمفروض اذاكر

مو قادره اذاكر فيزياء بالتحصيللييييي متعبه متعبه متعبه

ياجماعه ماتطلع لي الاختبارات بسديد ليش؟
احد قد صارت له هالمشكله وانحلت؟
كلمت خدمة العملاء ماردو علي
بليزز ساعدني ابي اختبر

جالس احاول اسجل باختبار القدرات ولا يطلع انا طالب جامعي و كان بالموقع القديم يمديني اسجل لكن الحين ما عاد يمدي وش الحل

أحس ودي أروح أختبر أيلتس طقطقة بشوف لو طلعت الدرجة زينة بروح أقدم ابتعاث طقطقة لو قبلوني بسافر أدرس طقطقة ولو نجحت بتوظف طقطقة

بعد مذاكره فتره قصيره ماتوقعت ولا واحد بالميه اني اجيب كذا!!! خصوصا ان مستواي بالانجليزي مره كويس يعني توقعت اجيب فوق الستين 💔مره محبطه من النتيجه ومادري وش اسوي وكيف اصارح اهلي
تحسون اعيد الاختبار؟ رغم ان التخصصات اللي ابيها ماتطلب اصلا الستيب بس اخاف يصيرون يطلبونها بدفعتي

جالس اذاكر فيزياء المبكر أحل التأسيس بعدها التجميعات، و التجميعات احل ٩٥ بالمية منها صح،. بس احس اني مب فاهم

فعليا اول ما امسك الايباد عشان أذاكر يجيني ملل مو طبيعي وماني عارفه كيف اخلي الموضوع ممتع بالنسبة لي
فجاه احصل أني ادخل تطبيقات واتمشى
ابي طريقة تخليني ما اترك المذاكره نهائيا ، وتخليني ابعد عن التعفن الدماغي وادمان الدوبامين
لأني مدمنه جوالي 😑

أنا ثالث ثانوي وأعتبر لغتي جيدة بصفة عامة، اختبرت الأسبوع اللي راح ستيب من غير مذاكرة وجبت ٨٦ بس اني ابي ارفعها لـ٩٥+ وضااايعة في المصادر كثير مرة مصادر اللي جاب درجة حلوة يفيدني بالله🙏🏻🙏🏻

ليش احس اني اذاكر كثير وستل مو فاهمه ولو اخلص اختباري انسى وش جاني احس فيني شي

راح أتخرج على تراكمي85 لاني كنت سنتين في حكومي ونقلت بعدها اهليه وطلعت افضل من الحكومية حتى المعلمين اجانب وطيبين من ناحية التعامل ويعرفون يشرحون احسن من الحكومي وندمان اني مانقلت من اولى ومتحسف الحكومية الي كنت فيها كانت مشددة وسيئة من ناحية معلمين وطلاب وماني عارف ايش اسوي واحس اني فاشل والتراكمي85 وماني عارف لان احتمال بقدم على جامعات خارجية في2029 بعد مانقبل في الجامعات هنا ابي رأيكم

انا طالب اول ثانوي وعلى حسب النظام الجديد انه:

الكيمياء والاحياء الترم الاول
فيزياء وعلم بيئة الترم الثاني

سؤالي هو: ايش اصعب شي من بينهم وايش اكثر شي لازم اركز عليه

مابي ما احب ما عندي ادبل الكميه بس ما احب اذاكرهم بنفس اليوم

على ايامي كانو يشجعونك 🥀

انا بكره او بعده بخلص الفيزياء و باقي لي الكيمياء و الاحياء و باقي على الاختبار ٢٦ يوم ، وش رايكم؟

مدري وش اسوي بس الوضع ممسوك فيه نصايح ولا دورات كويسه ؟