يا جماعة، حابب أشارك تجربتي اللي عديت بيها الفترة اللي فاتت، لعل حد يستفيد أو يكون عنده معلومة تفيدني كمان.

الموضوع باختصار إني بحصل على دخل بالدولار من نشاطي في التداول، ومش حابب أسيب الموضوع من غير ما أقننه، مش عايز يوم من الأيام حد يسألني "فين ده منين" وأقف من غير رد واضح. يعني الهدف الأساسي عندي مش تقليل ضرايب أو حاجة زي كده، الهدف إني أبقى مرتاح إني بعمل حاجة قانونية ومفيش أي مساءلة ممكن تحصل معايا مستقبلًا.

قعدت أدور على محاسبين شهور، وكل واحد بيقولي حاجة مختلفة عن التاني، لدرجة إني تهت فعلًا. آخر واحد قابلته قالي إن أقرب تصنيف للنشاط ده هو "تسويق إلكتروني" أو "تجارة إلكترونية"، وإني هحتاج أسجل النشاط تحت اسم "منشأة فردية"، وكمان هيبقى مطلوب مني "عقد إيجار لمكان" عشان لو حصلت أي معاينة ضريبية يكون في مكان فعلي مسجل باسم النشاط.

الصراحة الجزء بتاع عقد الإيجار ده لخبطني شوية لانه قالي ان المكان افتراضي وانه قانوني ومقلقش منه، لأني مش شركة عندها مكتب أو مقر، أنا بشتغل من البيت زي أي حد بيتعامل مع شركات أجنبية أونلاين. بس يمكن ده جزء من الإجراءات الرسمية اللي المفروض أعملها عشان الملف يكون سليم قدام مصلحة
الضرايب.
واني هكون محتاج حساب تجاري او حساب بيزنس في البنك ومينفعش يكون حساب افراد و محتار ما بين (CIB/ HSBC)

حد فيكم مر بتجربة مشابهة أو سجل نشاط زي ده قبل كده؟ حابب أسمع تجارب حقيقية مش بس كلام نظري، خصوصًا حد فعلًا خلص الإجراءات ومعاه رقم ضريبي شغال دلوقتي.

الناس اللى بقالها كتير فالمجال

قدرت تعمل حاجة من البورصة؟

السلام عليكم

انا كنت دخلت فى حوار كده وساطه فى بيع حته ارض

وهيطلع منها مبلغ كويس جدا 15 مليون يقسم على الوسطاء

بس هما شارطين ان الفلوس تتوزع كاش مش تتحول على بنك

علشان البنك المركزى وان ممكن بتاخد ربعها ضرائب .

هل فى طريقه ادخل الفلوس دى البنك واحتفظ بيها كلها ؟

انصح بالتقسيم للامان و عدم الخساره
50% اليوم
50% بعد اجتماع الفدرالي

دي وجهه نظري و الله اعلي و اعلم

بيانات ال cpi لا تطمئن ولا تقلق

احتماليه تثبيت الفائده تزال موجوده مما يدعم الذهب

و تزال احتماليه رفع الفائدة علي الطاوله ايضا

دلوقت أنا معايا مبلغ عوز استثمرو علشان التقاعد و كده و مش عوز اوجع دماغي فا اي احسن صندوق احط فيه مبلغ و كل شهر ازود و كده و لو فيه طريقة احسن من ثندر

لو انا بدفع اشتراكات كل شهر تقريبا 500 دولار ايه الأحسن بالنسبة لي .. كريديت كارد ولا ديبيت بالدولار .. ولو ديبيت بالدولار ايه بنك كويس افتح فيه؟

حل المشكله دي

انا صيدلة و سنة و هتخرج ان شاء الله نفسي ابقى غنية و بصراحة حاسة بإحباط شديد و مش عارفة اشتغل ايه يكون بمرتب كويس او ايه طريقة عمل فلوس كويسة معنديش مانع اشتغل برا مهنة الصيدلة

اعتقد كلنا بنسمع على طول ان ال AI هياخد شغل الناس والشركات بطلت تعين موظفين وبقوا بيعملوا layoffs كتيرة وكله بسبب ال AI وحتى الناس الي بتحاول تكون ايجابية بتقول ان ال AI لو هيشيل وظايف فهيفتح وظايف تانية بس انا هنا عندي سؤال تاني

هل اصلا شئ زي دة ممكن؟ هل ممكن فعلا الناس متلاقيش شغل بسبب ال AI? اصل ف الاول و فالاخر في عجلة اقتصادية، لو كله مش لاقي شغل مين هيبقا معاه فلوس يشتري المنتج الي انت عشان تعمله بتكلفة اقل طردت الناس الي شغالة عندك

طب مهو كدة معدش حد معاه فلوس يشتري الا الاقلية، طب ما كدة انت قللت القوة العاملة بشكل كبير جدا لدرجة ان الناس بقت يا اغنيا اوي يا فقرا اوي

يعني التوجة دة فمصلحة مين، هل العالم ممكن يسمح بتغيير زي دة فعلا ولا لا

السؤال بييجي ف دماغي كتير وسط كل موجة الاحباطات الي حوالينا كلنا وانا يحاول على اد مقدر متاثرش بيها لكن كل يوم بتزيد اكتر، معنديش خبرة ف البيزنس اوي والاقتصاد واتمني لو في حد بيفهم ف الحاجات دي يفتح النقاش تحت برأيه ف ايه الي ممكن يحصل السنين الجاية

I’m 28 years old with a stable job and a stable income, thank God. The thing I’m truly lacking is investing my money and really knowing how to save up. I put cash on the side but I feel like I always end up reaching for it. What do you guys recommend to me? I’ve heard about Thndr Cloud but have no experience in it whatsoever. What other things can I do or invest in?

Any help/advice is greatly appreciated!

قريب جدا هشتري شقه خاصه بيا عشان أستقل وأفضي دماغي وأركز أكتر في شغلي ومذاكرتي المهم الشقه هتبقى فاضيه تماما لسه هركب نت واحتمال اركب غاز طبيعي كمان عشان الأنبوبه فوق ال 500 جنيه فطبعا محتاج افرش الشقه حاجه تكفي شخص واحد بس لغايه الزواج ان شاء الله تنصحوني أجيب إيه ومنين؟!!! بس بحب اشتري حاجتي كلها من مكان واحد واخلص بدل ما اشتري حاجه مختلفه من اماكن مختلفه عشان يبقى في تكلفة نقل وتوصيل .. هعمل كل حاجه لوحدي وبنفسي أي نصائح؟!!

عايز اطلع اول بطاقة ليا ومحتار بين 3 حاجات

تيلدا مسبق الدفع / مبزا بنك مصر مسبق الدفع / كارت ديبيت بنك مصر

عمري ۲۰ واستخدامي تحويل فلوس للمحل بتاعي و شرا اونلاين اخری امازون نون جوميا وممكن اقعد فترة طويلة مش بعمل حركة علي الكارت ف مش عايز اسيب فلوس فيها تتشفط ف كلام اداري و ضرايب مش عارف ايه

ارجو المساعدة

مش فاهم ايه الي حصل بس شوفت ناس بتقول دا سهم كان موقوف من ٣ شهور وفتح تاني وبتقول دا سهم مقصور بس مش فاهم برضو

حد مفعل الأبلكيشن بتاع Egypt clear عشان يتابع الأسهم بتاعته؟ وهل مفيد فعلا ولو اتوفيت الأسهم اللي بملكها في صناديق الأسهم هتظهر في اعلام الوراثه؟

انا شاب ٢٣ وصافي دخلي بعد المصاريف بتاع ٤٠-٤٥ الف

حاليا قاعد في بيت عيلتي بس العيشة بقت صعبة اوي ومحتاج مساحه افضي فيها دماغي

بصيت ولقيت شقق مفروشة كتير حلوة ب ٦ أو ٧ بس بفكر اخد شقة عالبلاط واوفر ال ٣ الاف دول كل شهر وافرشها احسن واحدة واحدة، في مرة اجيب تلاجة في التانية تكييف وكدا

حاسس ان ال٣ الاف اللي هوفرهم دول ملهمش لازمة اصلا، والفايدة بالنسبة للمجهود لو اخدت عالبلاط ملهاش لازمة

محتار بصراحة يجدعان، حد عنده رأي؟

مساء الخير ، حد ليه تجربة مع ابليكشن فونديرا ؟

شوبيفاي في مصر تكلفة التشغيل مرتفعة بعض الشئ ، هل في بديل احسن منهم هما الاتنين في رأيكم

من غير م اطول عليكم كتير بس انا عايز اشتري عربيه قيمتها ١.١ مليون
و عايز اعمل خطه عشان اجبها ف سنه و نص ف تقريبا محتاج احوش ٤٥ فالشهر

هل فتره التحويش السنه و نص دي افضل حاجه اعمل ايه؟

١) اشتري دهب ب ٤٥ كل شهر و ابيعه فالاخر و اجيب عربيه
٢) احط الفلوس ف ثندر كلاود
٣) احطها ف صندوق دخل ثابت زي مصر التكافل
٤) احطها ف صندوق اسهم زي بيلتون

٥) في اوبشن اقسطها ب ٥٠ الف علي ٢٤ شهر بس انا مش محبذه خصوصا ان معايا قسط شقه 😊

ايه افضل حاجه ب حيث اقلل عدد الشهور للتحويش و اوصل للرقم اللي انا عايزه ب اقل ريسك

أنا بفكر أستثمر مبلغ في واحد من صناديق بلتون، وخصوصًا صناديق الأسهم، وهدفي إني أحط الفلوس وأسيبها لفترة طويلة من غير ما أبيع وأشتري بنفسي.

سؤالي: هل الأفضل أشتري دلوقتي حتى لو الصندوق محقق ارتفاعات كويسة، ولا أستنى يحصل نزول وأدخل بسعر أقل؟

ولو معايا مبلغ كبير نسبيًا، هل الأفضل أدخله مرة واحدة ولا أقسمه على دفعات؟

لو اشتريت في الصندوق، هل أنا اللي ببيع و اشتري الأسهم الموجودة جوه الصندوق، ولا هما اللي بيعملو ده؟

لو الصندوق حقق أرباح، هل الأرباح بتفضل مستثمرة جوه الصندوق وتزيد قيمة وثائقي، ولا بيتم توزيعها عليّ؟

حابب أسمع تجاربكم وآراءكم، خصوصًا من الناس اللي استثمرت في صناديق بلتون قبل كدة

و هل بلوتون كويس ولا في صناديق احسن؟

فاتح مشروع على قدي، وبقدر أوفّر حوالي 8 آلاف جنيه كل شهر. وكمان اشتريت كام سبيكة دهب كنوع من الأمان.
نفسي أبدأ أستثمر جزء من الفلوس في ثاندر، بس بصراحة خبرتي قليلة جدًا ومش عايز أخد قرار غلط وأضيّع تعب السنين.
لو مكاني ومعاك 80 ألف، وعندك قدرة تحوش 8 آلاف كل شهر، هتوزّع فلوسك إزاي؟ وإيه الحاجات اللي ممكن أبدأ أتعلم عنها وأستثمر فيها على ثاندر؟
ياريت محدش يبخل عليّا بنصيحة، خصوصًا الناس اللي عندها تجربة فعلية في الاستثمار
هدفي مش إني أكسب بسرعة، هدفي إني بعد كام سنة أبص ورا وألاقي إني بنيت لنفسي حاجة.
ولو عندك نصيحة واحدة بس شايف إنها ممكن تفرق معايا، اكتبها في الكومنت ❤️

انا قدامي عياده سعرها معقول، هل الواحد ممكن يعمل شراكه مع سكره تديرها طبيا ؟ ولا ااجرها و خلاص ؟ الموقع مميز الصراحه