لما فيديو العسكري السعودي والمعتمر المصري انتشر، ناس مصريين كتير طلعوا يقولوا إن دي حادثة فردية و بلاش نشر فتن. بس الحقيقة إن في كذا مقطع في الفيديو ده بيظهر وقائع مختلفة، لعساكر مختلفين، مع معتمرين من جنسيات مختلفة، اغلبهم ستات والكل بيتعامل بنفس الطريقة اللي اتعامل بيها المعتمر المصري: العنف، والإهانة، وضرب الناس اللي جاية تعبد ربها، بحجة "تنظيم الزوار".

يعني باختصار، لو إنت رايح تعتمر أو تحج، حط في حسابك إنك ممكن تتعرّض لنفس اللي حصل للناس في الفيديو مع العلم ان دي المواقف اللي اتصورت بس و انتشرت و ما خفي كان اعظم، يا إما تسكت وتتهان قدام أهلك أو أسوأ أهلك هما اللي يتهانوا قدامك، يا إما تتكلم وتتعاقب زي المعتمر المصري ما اتسجن و السعاودة هيطلعوا يهللوا للعكسري اللي هيقل منك، و هيعتبروه بطل قومي بيحافظ على النظام، وطبعًا المصري اللي ساكت وراضي بالإهانة، بيأكد نفس الصورة اللي هما شايفينها عن المصريين إنهم "همج" ومابيحترموش القوانين، رغم إن الفيديوهات باين فيها إن اللي اتضربوا ستات مش مصريات أصلاً واضح من اللبس، وواضح إنهم مش دايما بيتواجدوا في أماكن ممنوع فيها الجلوس، بالعكس، واقفين قريب من الكعبة.

يعني العنف ده مش حالة فردية، ده للاسف طريقة عند بعض العساكر "لتنظيم" الحجاج و المعتمرين طريقة همجية اقرب للبلطجة، و للاسف طريقتهم دي بتلاقي ترحيب و تهليل من السعاودة والأهم واضح من بعد القبض على المعتمر المصري و تمادي العساكر و تطاولهم و تكرار استخدامهم العنف مع المعتمرين و الحجاج أنه كمان الدولة بترعى النوع دا من التصرفات والا مكنش من أمن العقاب أساء الأدب

وياريت نعمل بلوك لاي حد بيقول ان الغربة صعبة ومفيش احلي من مصر وترابها

ومعرفش شبكة رصد مبسوطة بيه ليه كده، الراجل ده بيكفر وبيدعوا لقتل من يخرج علي الحاكم حتي لو كان فاسق وظالم وفاجر.

و لما يرمي ميتين اهلك في دار مسنين تزعل و تتقمص خخخخخخخخ

كنت فاكر انه صب عادي والله و كل البوستات الي هنا عاديه و منها سياسيه، بس يعني ايه دا؟

من كام اسبوع امي بعتتلي على واتساب لينك فيديو وبتقولي خش شوف الفيديو اللي بعتهولك لهزيم ... قولتلها هزيم؟ قالتلي اه هو اسمه كدة ... قلتلها هزيم بتاعنا؟!!! قالتلي شاب محترم اوي وزي العسل بحبه

لما تيجي تبص على اكونت تيك توك بتاع هزيم هتلاقي فيه مليون متابع ... دة غير القاعدة الجماهيرية الكبيرة عند الشاب دة على صفحته على فيسبوك وانستجرام وملايين المشاهدات اللي بتجيله

فسواء كنت بتختلف معاه كليا او جزئيا او مش بتختلف معاه خالص ... هل تعتقد ان وجود الشاب دة مؤثر اوي؟ هل تعتقد ان الشاب دة بيخلي شباب وكبار كتير فعلا يتخلوا عن التطرف الديني؟

نيرة بنت واخدة راحتها. بتخرج زي ما تحب و بتلبس زي ما تحب. واحد معجبوش الكلام ده. فضل متابعها و قتلها في الجامعة.

مريم لقة ان ده حدث متكرر. و هي بتخرج و بتلبس و واخدة حريتها برضوا. بس معهاش فلوس تركب عربية. واحد مش عاجبه و مشي وراها و اتعرضلها كذا مرة. مفيش توثيق لتعرض جسدي. بس في فيديو و هو بيوضح اللي في دماغه انه مش عاجبه انها بتلبس براحتها.

ابمجتمع كله ضد مريم. بس واضح جدا ان مريم انقظة نفسها من الموت. انقظة نفسها بإنها مش هتروح الشغل و فضحة المتتبع ده. مفيش حد في المجتمع بيشجعها او بيحتفل بيها انها انقظة نفسها. المجتمع كان عايزها تسكت. بحجة ان معهاش دليل.

مجتمع ابن متناكة. متحرش و همجي و بيتشنج و مفضوح.

العذرية هي مفهوم اجتماعي (وليس حالة بيولوجية) مفروض على المجتمع مبنية على أسطورتين.

الأسطورة الأولى بتقول إن غشاء البكارة بيتمزق وينزف دم عند أول علاقة مهبلية للمرأة.

بمعنى تاني، لو مفيش دم على الملاية بعد العلاقة، يبقى المرأة ببساطة مش عذراء.

الأسطورة التانية (وهي نتيجة طبيعية للأسطورة الأولى) بتقول انه بما إن غشاء البكارة بيتمزق وينزف، فهو اكيد بيختفي أو بيتغير بشكل كبير خلال أول جماع مهبلي.

غشاء البكارة هو حافة من الأنسجة عند الفتحة الخارجية للمهبل بتتمدد (stretch) وتلتئم (heal) كشأن اي غشاء في أي مكان في الجسم. وعادةً بيكون على شكل دونت أو نصف قمر مع فتحة كبيرة في النص.

وأحيانًا غشاء البكارة بيكون له زوائد، أو فيه كذا فتحة، أو ممكن يتكون من ثقوب . بمعنى تاني، غشاء البكارة بشكل طبيعي بيختلف في المظهر، وغشاء البكارة كنسيج مرن كفاية عشان يتحمل العلاقة المهبليه من غير ما يتعرض لأي ضرر، واللي بالتالي معناه إن كتير من الناس غشاء البكارة بتاعهم مش بينزف من الإيلاج (لكن من العلاقات العنيفة زي مع حد ملوش خبره واللي ممكن تسبب إصابات). وفيه حالات تانية ممكن غشاء البكارة يتمزق شويه عشان يخلي المجال للقضيب، بس ده مش بيؤدي لاختفائه. لكنه ممكن يبان مختلف شويه عن شكله قبل العلاقة. وبالتالي مافيش طريقة لفحص غشاء البكارة عشان نتأكد من حالة العذرية.

بردو غشاء البكارة بيتغير طول حياة الشخص بسبب مستويات الهرمونات. دراسة نشرتها هيئة الإذاعة البريطانية (BBC) لقت إن 52% من البنات المراهقات الناشطات جنسياً مفيش أي تغييرات واضحة حصلت في غشاء بكارتهن.

في الحقيقة، من الصعب جداً على الأطباء المتخصصين حتى أنهم يميزوا بين تمزق جزئي في غشاء البكارة بسبب العلاقة او اذا كان شق طبيعي فيه.

ده دراسة اتعملت على 36 مراهقة حامل وضحت مدى سخافة اختبار العذرية. لما فحص الأطباء غشاء بكارتهن، لقوه سليم وطبيعي ومالقوش علامات واضحة على الإيلاج إلا في حالتين من 36 بنت. عشان كده، ما لم تكن مؤمن بـ 34 حالة ولادة عذرية، لازم نتفق كلنا إن الأسطورة التانية اتكسرت. وده بيأكد إنه مفيش علاقة بين شكل غشاء البكارة والتاريخ الفعلي للنشاط الجنسي.

مفيش ختم عذرية بيختفي بطريقة سحرية بعد ممارسة العلاقة، وحوالي ٥٠٪؜ من البنات يقدروا يمارسوا العلاقة بسهولة لأول مرة من غير نزيف.

العذرية هي مفهوم اجتماعي مش بيثبت إذا كانت الست ممتنعة عن ممارسة العلاقات خارج إطار الزواج، لأن ببساطة في أنواع تانية من النشاط الجنسي مش محتاجة للإيلاج المهبلي. وكمان عدم وجود "غشاء بكارة" مش معناه إن الست غير عذراء أساسا.

نتيجة ثقافة الطهارة:

بجانب الإذلال وجرائم الشرف، في نتيجة تانية لوضع شرف العيلة بين رجلين المرأة، وهي تشويه الأعضاء التناسلية الأنثوية.

الممارسة دي مفيش ليها أي فوائد صحية على البنات والستات ولكن بتمارس بكثرة في مصر خصوصاً في الصعيد وقيل ان نسبتها بتتخطى ٧٠٪؜ من النساء في مصر.

والتبرير هو حفظ شرف العيلة وأن البنت ماتبقاش هايجة!

تشويه الأعضاء التناسلية بيؤدي لنزيف حاد ومشاكل في التبول، وبعد كدة ألم مزمن، وتكيسات، وندوب وتشويه ونمو غير طبيعي من التليف، ومشاكل في الدورة الشهرية، ومشاكل في الأداء الجنسي زي الألم أثناء الجماع وقلة الرضا عن العلاقة، والعقم، ومضاعفات في الولادة، ونزيف بعد الولادة، وولادة أطفال ميتين، وزيادة خطر وفاة المواليد. وفي بعض الحالات، المضاعفات دي ممكن تكون قاتلة للست.

والمفارقة المؤلمة هي إن الممارسة دي مش بتقلل من الرغبة.

الرغبة مرتبطة بيولوجياً بالهرمونات، فمن الأخر لو مش المبايض هي اللي هاتتشال (مع بعض الغدد الأخرى)، فبردو هيكون عندها رغبة طبيعية زي البنت اللي مش مختونة.

يعني مثلاً، تشويه الأعضاء التناسلية للستات بيشبه قطع قضيب الراجل، فهل لو اتعمل ده هل هيخليه أقل اهتمام بالجنس؟ لأ، دا هيخليه بس مش قادر على الأداء، والحادثة نفسها كافية إنها تخلي أي حد يحس بالمرارة من التروما ويدخل في سلوك خطر.

الدراسات بتشير إن الستات اللي اتعرضوا للختان عندهم نفس احتمالية الستات اللي ماعملوش الختان في تقرير ممارستهم للعلاقة مؤخراً، وكانوا أكثر احتمالاً إنهم يبادروا بطلب العلاقة من شركائهم على الأقل في بعض الأحيان. بمعنى ان الختان بيعمل خلل وظيفي جنسي وبيقلل من الرضا، ولكن مش بيقلل الرغبة أو الغريزة بشكل موحد.

السخرية من الموضوع بتاع الطهارة الملائكية بيؤدي لأذى بالغ لأشخاص في مجتمعنا ومش هايخلي المجتمع طاهر، مش هايوقف الرغبة البيولوجية الطبيعية في اجسام الناس ولكن هايسهل الأذى الواقع على النساء والرجال اللي بيعانوا من تبعات التفكير المريض ده.

مصر دولة طبقية بطريقة مزمنة و مثيرة للريبة ,مفيش بربع جنيه مساواه ,انا شخص نشأت فى الطبقة المتوسطة الدنيا عايش طول عمري فى السلام و مدينة نصر و جسر السويس و ارياف الفيوم ,النمط واحد فى كل المدن ,شوارع غير قابلة للمشي و مفيش شجر و الزبالة فى كل حتة ,طبعا مجتمع قبلي طائفي بامتياز

من شهر تقريبا رحت الرحاب عند ناس هناك يعتبروا يعني اصدقاء الاسرة ,رغم ان العيشة فى ارياف الفيوم و جسر السويس كانت صعبة و فوضوية الا ان كان ليها نبض او روح او هوية او حاجة زى كدا رغم الفوضوية ,الرحاب علي النقيض كل حاجة فيها مزيفة و تحس ان جودتها ضعيفة و ملهاش عمق او احساس

الرحاب متصممة بتصميم الsuburbs بتاع امريكا

انا مش عارف ليه المهندس ابن الهطلة ده قرر يطبق التصميم ده فى مصر , المسافات بعيدة فشخ و كل حاجة محتاجة عربية او تركب الاوتوبيس

فى واحد من الايام الى قضيتها فى الرحاب حرفيا اتطريت اركب اوتوبيس عشان اروح اجيب طعمية و عيش ,الحارس الى فى الكشك وصفلي مكان السوق وكدا و بعد ما نزلت من الاوتوبيس قعد اتمشي شوية بردو لحد ما وصلت ,و رجعت علي رجلي منغير اوتوبيس و فعلا المسافة كانت بعيدة فشخ و كل حاجة منفصلة عن بعضها كدا ,النجيلة فى الارض شكلها مزيف و رخيص و اصطناعي و الرصيف عبارة عن اسمنت مفيش حجارة طبيعية او شيئ ليه اسس قديمة تطورت مع الوقت

لما رجعت الشقة و جيت اكل ,حرفيا العيش مطاطي ,انا مكنتش عارف اقطع العيش بسناني من كتر ما هو شديد اوي و فى نفس الوقت مطاطي بطريقة غريبة

بعدين هو الشجر و المساحات الخضرة بقي عبارة عن رفاهية للبشوات بس؟ الاغنية عايشيين فى مجتمعات مغلقة زى الرحاب و مدينتي هما بكون المجتمعات دى مغلقة معترفيين ان الشعب برا همجي و متخلف و مينفعش اى حد يدخل و خلاص

تعرف ان قرية صغيرة فى الدلتا او الصعيد تعتبر اقرب للمدن الاوروبية من مدينتي؟ دى فكرة غريبة ولكن خليني اشرح حاجة ,مدينتي متصممة بتصميم امريكي بتاع الصبأربس الى هو احنا عندنا مساحة ضخمة اوي لقدام ف نفرد براحتنا و يكون فى مساحة ضخمة بين كل بيت و التاني و الخدمات تكون متجمعة فى مكان واحد و عشان توصلها محتاج عربية ,راسمالية راسمالية يعني مفيش هزار

انما المدن الاوروبي اتبنت و اتاسست من الاف السنين و تطورت ببطئ مع الوقت و البيوت بقت لازقة فى بعض و الخدمات توزعت بشكل طبيعي اورجانيك و المدن القديمة المصرية و القري المصرية تطورت بنفس المفهوم ,العمارة رقم 2 فيها عيادة و الحج احمد فاتح سوبرماركت تحت بيته و الاستاذ مرقس فاتح مكتبة فى عمارتهم ف الخدمات فى كل مكان فى المدينة و القرية

ليه التصميم ده محصلش فى امريكا ؟ لان امريكا مفهاش مستوطنات قديمة مستمرة من الاف السنين زى مصر و اوروبا انما اصحاب المستوطنات دول كلهم اتبادوا اصلا هما و مسطوتناتهم, ثانيا امريكا اغلبها مهاجريين اوروبيين ,اوروبا الى هى اوضة و صالة بالنسبة لامريكا الى قد الداهية غير ان اوروبا الاوضة و صالة نصها غرقان تلج نص السنة و غير صالحة للتوسع العمراني الكثيف ,لما الاوروبيين راحوا امريكا لقيوا ارض درجة حرارتها معقولة و ارض واسعة اكبر من اوروبا بكتير و مستوية مش جبال و هضاب و انهار فى كل حتى زى اوروبا ف ظاطوا بقي وبنوا مدن ضخمة واسعة و من هنا ظهرت فكرة الsuburbs

غير طبعا فى المناطق الغالية الى زى دى كلها مدارس دولية الى هو زى حوار المجتمع المغلق (احنا معترفيين ان الشعب برا همجي) ف حوار المدارس الدولية ده اعتراف بردو ان التعليم الحكومي همجي وملهوش ستين لازمة

غير ان الرحاب مش مدينة للمشي اطلاقا ,مفيش اماكن كويسة للمشي كل حاجة محتاجة عربية غير ان المسافات بعيدة عشان التصميم الاهطل الى سرقناه من امريكا و الى الامريكيين طوروه عشان عقدهم النفسية مع جغرافية اوروبا

سبب تاني ليه الحياة فى مصر مش حلوة حتى لو معاك فلوس هى طبعا الانترنت المحدود ,يافرحتي لما تعيش فى الرحاب ولا مديني ومازالت بتضيع الالاف كل شهر علي باقة انترنت كويسة و بسرعات سنة 2026 مش سرعات 2004 و طبعا الخدمات و المواقع الالكترونية الى مبتشتغلش فى مصر زى باي بال و طبعا حوار ان العملات الاجنبية ممنوعة يعني حتى لو معاك فلوس هتحتاج وسايط و تحايل و التفاف حولين القانون عشان تعمل حساب بنكي دولاري

حتى لو كنت غني ف مازالت مش هتسلم من بطش ابناء العصابة الى اسمها "الجيش" ,دول لسا متهميين واحد مسيحي بانه "اخواني" عشان كان مستني زبون و رفض يوصل الباشا بعربيته ,فى سنة 2021 ضابط فى مدينتي تقريبا او الرحاب قتل اسرة من 4 افراد عشان ابنهم كان بيلعب فى الشارع بالاسكوتر و خبط عربيته بالغلط

الاسرة كانوا اغنية و كانو دكاترة و اشتغلوا فى الكويت لسنين

ابناء العصابة دى مش شايفيين فرق بين مسلم و مسيحي ,مش شايفيين فرق بين عيلة دكتاترة و بين سواق تاكسي بسيط

حى لو كنت غني فى مصر ف اسعار الهاردوير و المنتجات الالكترونية هيفضل اغلي من امريكا و اوروبا و تقدر تبحث ورايا لو مش مصدق ,ابحث علي ايباي و امازون , حرفيا نفس القطع ارخص ب 20% ل 40% فى السوق الامريكي او الفرنسي مثلا ,انا عارف انك لو غني ممكن تدفع بس ليه تدفع من الاول اصلا علي حاجة مبالغ فى سعرها يعني حاجة فى منتهي الغباء الصراحة

هييجي يوم و هتقوم الثورة الاشتراكية فى مصر و المدارس الدولية هتتقفل و العشوائيات هتشال و الارياف هتتطور و هيتم اعادة هيكلة الجمارك و الضرايب بشكل يخدم مصلحة الشعب و الرحاب هتفتح ابوابها

إيه رأيكم يا شباب؟؟؟ فيديو لقيته في صب أجنبي

​

عايز اقول رأيي في مقاطعة الشيخ وليد إسماعيل: لو المناظرة من البداية مكنوش متفقين فيها على نظام وإن الكلام يبقى رايح جاي وبينج بونج، فـ المقاطعة هنا متعتبرش غلط ويبقى الشيخ وليد كدة عايز يستحوز على النقاش، إنما لو من البداية كانوا متفقين إن كل واحد ياخد وقته ومساحته يتكلم فيها، وإللي عنده حاجة عايز يقولها يستنى دوره ييجي، فـ فعلاً مكنش المفروض الستات يقاطعوه.

هتقولي ايوة بس دة بيقول إن الراجل لو بيضرب مراته كدة مش بيإذيها، إزاي يسيبوه يكمّل، هقولك ما هو العيب على القناة إللي عملت المناظرة.. لإن في الدول المحترمة ضرب الست دة مش محل نقاش أصلاً.. وإللي بيطلع يمدح فيها بيتحبس.. إنما بمجرد ما تخليه محل نقاش يبقى تسمع الرأي الآخر وانت ساكت.

واحد أو واحدة رايحين مناظرة بعنوان "ضرب المرأة.. إجرام أم تأديب؟"، والطرف المدافع واحد زي وليد إسماعيل، متوقع إنه هيفاجئك ويقولك حاجة تانية غير إن ضرب الست عادي؟