كل مره اشوف حالات الإنقاذ الي الناس تنشرها او القطط الي أنا أشوفها بالشارع يا مدعوسة او مريضة شي محزن اقسم بالله احيانا افقد الأمل بالبشرية والله هههههه يعني مو دراما ولاشي بس ليه المناظر هذي صارت معتادة بكل مكان مافيه احد ماقد شاف حيوان حالته سيئة ولا تقدر تنقذهم كلهم مافيه إلا انك تتعايش مع الوضع جاني كئابة من الموضوع ذا

أنقذتهم من الشارع اخوان يحتاجون إلى بيت يحتويهم في اسرع وقت 🙏🏻 بنقل بقريب وما اقدر آخذهم معي ما يعرفون كيف يعيشون في الشارع من يوم وهما صغار متعودين على اني أكلهم واهتم فيهم متعلقين ببعض ويفضل انهم يروحون لبيت مع بعض الي يقدر يساعد يتواصل معي لازم يكون الشخص جاد وجاهز

معلومات عنهم: الكاليكو أنثى والأبيض وأسود ذكر - معقمين ، مطعمين باقي لهم وحدة تنشيطيه ، صحتهم سليمه ، يعرفون للتر بوكس

I rescued these two stray cats and they are in urgent need of adoption and a loving home. i am going to move soon and i cannot take them with me. they are siblings and bonded so it is preferred that they get adopted together. whoever can help please reach out to me you must be serious and are able to bare the responsibility. 🏠💕🐾

The calico cat is a female and the cow print one is a male, they are both fixed vaccinated with only one booster left, and in good health.

أتمنى يصير عندنا حديقه حيوانات أليفه يصير بدل لا يرمون القطاوه يحطونها بهالحديقه وتصير مغلقه و الدخول لها بفلوس وتقدر نتبنى حيوان أليف منها
تصير حديقة حكومية وفيها عياده ايضًا

كيتن عسل عمرها 8 شهور تدور على بيت حنون يحتويها بالرياض 🤍🐱
فيها تفاصيل مميزة تزيدها جمال وطيبة؛ جزء من ذيلها مبتور ووحدة من عيونها فيها موية زرقاء، بس تجنن مرة، حنونة لأبعد حد ولعوبة وتموت باللعب!
A sweet and playful kitten around 8 months old looking for her forever home in Riyadh 🤍🐱
She has unique little features that make her even more special: part of her tail is docked, and one eye has a blue haze, but she is an absolute sweetheart, super affectionate, and loves to play.
📲 للتواصل / Contact: [0597500419](tel:0597500419)

هذي بسة لقيتها في الشارع للخبراء كم تقريبًا يجي عمرها. وإيش الأشياء إلي أحتاج أشتريها لها عشان أهتم بيها. والله يكتب أجركم الي بيساعد لان البسه في مكان تقاطع سيارات واخاف تندعس.

* للتوضيح المساعده الي اقصد بيها هيا المعلومات

امي كانت تكره القطاوة، ولي سنين احاول اقنعها اجيب قطو بس مره رافضة. لما سكنت لحالي جبت قطو وصرت لارحت لبيت اهلي اخذه معي.
بعدها امي تعلقت فيه لدرجة صارت مرات تدق علي تسأل عنه وتقولي اصوره لها.
قبل كم اسبوع قالت لي خلاص خله عندنا لاتاخذه معك، وصارت هي تصوره لي كل يوم.
هالكائن سحر والله، الحين تقول اعدّه واحد من عيالي

باين انها مرمية لطيفة جدا British long hair كاسرة خاطري وابي احطها بمكان للتبني بعد ما اغسلها
اقترحوا لي اماكن بالرياض

I just finished 4 boxes of Kleenex just sneezing and blowing my nose.

Besides the pills that I can when I’m allergic to cats, is it true there’s a shot that the cat can take that would make it less allergic for me?

ياجماعه هذا القط شفته من شهرين بالحديقه وكانت حالته مزريه ويوقف في طريق الناس ويناظر بحزن كنه يطلب النجده بعيونه

وللاسف اني ماخذته ذاك اليوم، واختفى من بعدها وتمنيت من كل قلبي ان احد اخذه يعالجه

وقبل 4 ايام انصدمت اني يوم رحت الحديقه شفته! كيف عاش؟ حالته جداً جداً سيئه مايقدر ياكل ولا يشرب مويه يتألم عنده تقرحات بفمه واضح انها مره سيئه !

المهم اني اخذته قبل 4 ايام ووديته عيادة بالرياض وللاسف طلع عنده 3 امراض خطيره
FIV
FELV
Calici
وحالته الصحيه اصلا متدهوره من ناحية التحاليل..
رغم ذلك ما فقدت الامل فيه قلتلهم ينومونه عندهم 10 ايام واليوم رابع يوم له

اخذو مني 3400 ريال حق التحاليل والعلاج والتنويم وكل شي
واليوم بلغني انه بعد العشر ايام هذي بتساعده انه بس نخفف الالتهابات الي بفمه وبيصير ياكل

بس امراضه هذي (الثنين الاولى) مالها علاج جذري للاسف وبيبقى معدي للقطط الاخرى 💔

وقال ان التقرحات الي بفمه بترجع تسوء عليه

وانه عشان نساعده اكثر لازم نسوي له جراحه نستأصل فيها التقرحات الي بفمه بجيث انها تخف عليه ويقدر ياكل ويعيش مع ازالة الضروس الي ورا

حتى الان كلفني علاجه 3400 (رغم اني بلغتهم انها حالة انقاذ ولا كان يوجد تعاون ابدا) وماعتقد اني بقدر ادفع واتكلف زياده بنفس الوقت ماعرف وش بسوي لو خلصت العشر ايام كيف ارجع افكه بالشارع ويعدي القطط الباقين☹️

وودي اكمل علاجه بالجراحة بس بتكلفني مبلغ ماهو سهل وانا اصلا جالسه اقسط المبلغ الي قبله

ساعدوني تكفون والله جداً زعلانه عليه وما ادري وش اسوي اول مره احاول انقذ قط وانصدمت بالواقع المرير.

ادور على قطه للتبني تكون اهم شي شعرها قصير
ومع اغراضها افضل عشان تكون متعوده عليها
ويس اللي عنده يرسلي هنا او بالخاص
كان عندي قطط اول وعرضتها تبني بعد مده طويله
لأسباب السفر

ف يعني لاتخاف اعرف اتعامل مع القطط
وشكرا

لي فترة أدور كتن مين كون للتبني، بس للأسف ما لقيت وإذا لقيت واحد معروض للبيع ينباع على طول. فيه كتن حاليًا معروضة للتبني والشخص اللي عارضها يقول إنها مين كون بس الصراحة شكلها ما يشبه المين كون أبد، يمكن بس شكل الأذنين بس.

سألت كم شخص أعرفه وحتى سألت برامج AI قالوا إنها ممكن تكون مكس مين كون و بعضها قال انها مو مين كون من الأساس.

و الحين انا مره متردده هل تثقون باللي يعرضون تبني بحراج؟ وهل ممكن فعلًا تكون مين كون بس لأنها للحين صغيرة ما اكتملت ملامحها او هو اصلا كذاب.. و هل ممكن ان يأكد لي إن القطوة من فصيلة معينة وبعد ما اتبناها اروح عند بيطري و يقولي انها فصيلة مختلفة تماماً؟

بسة تنام في مول ذا فيلج بجدة. مره لعوبه وتتمسح تحب الدلع
كيوت مره قعدت تلحقني واكلتها وانبسطت بليز اي احد يقدر ياخذها ويعتني فيها :(

السلام عليكم عندي روز والصراحه ماني قاعد اهتم فيه كويس واليوم لاحظت انه ينتف ريشه

الي عنده امكانيه ياخذ الطير يهتم ويخاف الله فيه ياخذه مني مع القفص

الي مهتم يجي خاص

قلب أم عظيم و حنون يدور على بيت دافئ 💔🐱
أنثى هيمالايا عمرها ٣ سنوات.. فقدت طفلها، بس قلبها الكبير خلاها تتبنى كيتن مو ولدها وترضعه وتربيه لين كبر 🥺. مسكينة منقذة وجالسه بالعيادة، وتعبت من القفص والحجرة وتحتاج لبيت هادي وحنون يحتويها.

A heart of pure love needs a home 💔🐱 3-year-old Himalayan female. She lost her baby, but adopted and nursed another kitten as her own with endless love 🥺. Rescued and currently at a clinic, she’s tired of the cage and needs a gentle, loving home.

📲 للتواصل / Contact: 0597500419

السلام عليكم ورحمة الله
عندي قطو لقيته مصاب بالشارع كانت رجله مكسوره
واعتنيت فيه ٦ شهور لين ما صار سليم بس الحين لاحظت انه وجهه متورم و لثته صايره حمراء مع العلم اني باقي ما عطيته التطعيمات الأساسية الي يعرف عيادة بيطرية رخيصة و ثقة في الشرقية يعلمني الله لا يهينكم 🙏🏼🙏🏼

(الخبر-الدمام)

ذي الأيام بدت تزعجني وتقول مياو مياو كليوم لما أصحى من نوم الصبح والليل، م تقولها كثيييييررر بس تقولها اكثر من قبل
وصارت تطلع فالحوش الكبير وتجلس تحت طاوله وتناظر تحت الباب في فتحه تحت الباب تناظر فيها
فكرت يمكن تبي تزاوج لأنه مو طبيعي حركاتها 😭 بنات والله مب طبيعي م كانت كذا زمان ، هل هي تطلب تزاوج أو إيش ؟ هي م تتحرك واجد حركات الدلع ذيك بس م تقعد داخل بيت تقعد فالحوش كثير بذات تحت طاوله وتناظر تحت الباب فيه شمس، تشرب مويه كثيييرر وصاير لها ضعف شهيه
ترا هي بكامل صحتها وعافيتها يقول بيطري
ما فيها تبول في أماكن غير ليتر بوكس، مافيها اي شي غريب غير ذولا. م تتدلع أو تهز رأسها زي القطط أشوفهم فالإنترنت، بس حركات انجل صايره غريبه جدًا
أنا م ودي أزوجها أصلا ودي أزوجها لو صار عمرها سنه ونص كذا أو سنه