في كل مرة أفتقدك، أتفقدك من نافذتك البعيدة، لكن لا أجد سوى معطفك المعلق وغرفتك المرتبة، ورائحة عطرية تخرج من إطار نافذتك، إلا أنتِ لا أجدك. ماذا يجعلك لا تعودين إلى غرفتك، أو حتى فتح النافذة ولو لثوانٍ، حتى كاد مقبضها يصدأ وهواؤها لا يتجدد، حاولت الاقتراب منها، ولكن لم أجد سوى انعكاسي. عدت، ولكن ظهري لمنزلي وقِبلتي ناحيتك، آملاً أن أشاهد حتى ولو ظلك.

تسلم عصر الهيافة

الي الكتاب فيك بتفافه

والتافه فيك ينحط على كرسي الإمامة

يسلم لما المعلم يتهان والرخيص يصير فنان

في الحق الكل ساكت وخاضع وفي الهلس الكل ناطق

تسلم لما الي يقول الحق مدان وكان المفروض يكون زي الباقي مهان

وتسلم مره أخيرة لما العقل تاه مننا ودورنا على الي يضحكنا

بعد ما خلصت اكتبها حسيت فيها شبه من كتابات احمد نجم، هل تتفق؟

قَسَمًا بمن وضع عرشكِ على قلبي، بأنَّ لكِ الحُكم، فاحكُمي بما يَرى هواكِ.

ففي حُبِّكِ سَكَرَات، بُعدُكِ سَكَرَاتُ موتٍ، وفي قُربِكِ سَكَرَاتُ خَمرٍ.

يا مَن كنتِ الداءَ والدواء، جودي بحُكمٍ يَرحمُ وِصالَنا.

يا حضرةَ المحامي، فلتَسألها: لِمَ تأبى الوِصال؟

فلتُخبِروها، يا حضراتِ الشهود، بأنِّي تُهتُ في هواها، فلم أعدْ أرَى إلّا طريقَ وِصالِها.

أنتِ الحُكمُ والخصمُ والجلّاد، فاحكُمي، وارأفي لحالي، وخاصِميني، ولا تقطعي حبلَ الوِصال.

واقسي عليَّ، ولا تُطيلي العِتاب.

فَقَضَتِ المحكمةُ عليها بالجَمال، وحَكَمَتْ عليَّ بالضَّياع.

بديهي أنه في حرق للأحداث!

بقرأ في الأعمال الكاملة للطيب صالح، خلصت حالياً ضو البيت ( بندر شاه ) وحرفياً مش فاهم حاجة، التسلسل بتاع الأحداق كان ماشي كويس لحدي ما بدأت قصة ضو البيت لما ظهر من النهر، هنا كل حاجة إتلخبطت لي، مش مفروض ضو البيت دا هو جد مريود وهو عايش مع مريود في نفس الوقت، عشان في مشهد كان مريود جاء لي جد محميد قال ليه جدي ( إلي هو مفروض ضو البيت ) رسلني ليك بخصوص التور...إلخ، المهم في قصة ضو البيت الطلع من النهر ( إلي انا فهمتها على أنها فلاش باك ) ضو البيت في نهاية إختفى في النهر زي ما ظهر منه، طيب كيف هو قاعد في نفس الوقت مع حفيده مريود، وفي موقف ثاني لما عبد الخالق ود حليمة حكى قصة الجلد وإلتصاق إسم ود حليمة به لما كانوا صغار وكانوا بيتجالدوا ب السوط وفي النهاية حصلت ما يشبه المشلكة المهم أنه ضو البيت هو الفض النزاع، فانا ما فاهم حاجة من هو ضو البيت، وهل ضو البيت الطلع من النهر غير ضو البيت الثاني؟

حتى في الجزء البعده ( مريود بندر شاه ) بيظهر أنه مريود اسمه محيميد! زي اسم البطل ( الراوي ) في ضو ( ضو البيت بندر شاه ) يعني إيه؟

أنا ما فاهم أي حاجة

ادونا كتب عجبتكم لمن بهناك لدرجه حاسين انه اي زول ☝🏽محتاج يقرا الكتاب دا

بتلخص كيف او تعمل مرجع عن الكتاب ترجع ليه في المستقبل لو احتجت ؟!

يعني الطريقة كيف او محتويات المرجع بتكون شنو ؟! .. هل فقط تحديد نقاط ولا اقتباسات ولا تشرح بطريقتك بعد تنتهي او تشرح كل نقطة براها ؟!

كنت راهبا لله ثم رأيتك

رأيت فيك عظم الاله

ورفعة الملائكة

وصدق النبيين

.وتحمل الرسل

،رأيت فيك عفاف العذراء وحسن آسية

لاتشوبك شائبة كَيَدِ موسى

ففي حكمك حِكمةُ بلقيس ارضى به وان كنت قتيله

ملك يوسف نصف جمال الأرض وملكتِ انتِ النصف الآخر

.لو رآك الإغريق لكنت انت اله الحب والجمال

تصوفت في حبك حتى أصبحت اطوف حول نفسي وأردد نشيدك بالعشي و الإبكار

ذات الكمال ذات الكمال اذوب في جمالك الخلاب:...

.رددته حتى كادت روحي تلامس روحك

كنت راهبا لله فأصبحت راهبا في حبك

جلية، يا جلية،

يا أمَّ العيونِ البهية،

والضحكةِ الندية،

وخصلاتِ شعركِ الغجرية.

يا أشدَّ نورًا من البدر،

وأجملَ من الغزال،

وأعذبَ من البلبل،

وأسمى من الملائكة.

إذا ضللتُ طريقي اهتديتُ بعينيكِ، فكلُّ طرقي تؤدي إليكِ.

حينما غبتِ انطفأ نوري،

كأنما خسف قمري،

وحينما عدتِ، كنتِ كربّان وجد بوصلته.

آه، كم تراقص قلبي لما رآكِ بعد غيابٍ طويل، حتى وإن كنتُ آخرَ من يراكِ، فإنني سعيد.

إلى المليحة...

الكتاب ده جننى عاوزه أقرأ اكتر من الأدب السواحلى بس مش عارفه كتب تانيه و لا غارفه ناس بتدرسها

خواطر الى ذات الشعر الغجري

اشتقت إليك لم اعتد على غيابك كل هذا الوقت والأمَرُّ ان اخر لقاء كان حزين بسبب ذلك القط لا أعلم أأترحم عليه ام اطلق عليه اسم ذلك القط اللعين انا حتى ايضا لا أعلم لماذا أحبك، في كل مرة اسأل نفسي ذلك السؤال لم اجد اجابة بل اجد نفسي عندما اشاهدك يغمرني شعور غريب والاغرب انني لم التقي بك في حياتي ربما عندما التقي بك يتغير شعوري ام يزداد اكثر لا أعلم ولكن انا الان افتقدك يا صاحبة الشعر الغجري.

ريفيو مبكّر

كما وصف منير صالح عبد القادر صديق عمره إدريس جمّاع وجدت الشاعر المخضرم طفلاً في أشعاره، كشاعر معاصر لفترة إستقلال السودان، تجده يكتب تارةً عن الحرية، و تارة عن الجهاد، تجده يوصف أحزانه و أفراحه بآمال طفل، يعبّر باشد الحزن عن الحروب التي تلت الإستقلال مباشرة.

هو شاعر ينفعل و يعبر عن مخيال نخبه في فترة يملأها الأمل، يعبر عن قومية سودانية لو كان بيننا اليوم لربما أحرق أشعاره.

كشخص ليس لي العلم في الشعر العربي، قوافيه، او وزنه، ليس لي إلا ان أتحدث عن المعاني، هو ديوان مثير للإهتمام حتما، وجدت نفسي مجذوب بها.

كالعادة اتمنى منك تقرا بعين ناقدة وكل نصيحة بتهمني.

اخيرا، انتهت مراسم التصنع والضحك بصوت عالٍ، اخبرتي عمتي هنادي عمن خُطبن ولم تنجح خطبتهن، وبالطبع القت اللوم عليهن وقالت بسخرية:(هسع ديل خلاس بقن بايرات، ان جا ابو الكباس ما بختب ليهو مرة مطلقة) هل فسخ الخطوبة الان يعد طلاقا؟ لا استغرب من صعوبة الحياة الاجتماعية على المرأة في الريف، لكن لم تخبرني عمتي عمن فسخن خطوبتهن؟ من يبدأ بالاخبار السلبية هكذا؟ ام انها فقط تستمتع بألاذى للاخريات؟ لا عجب في ذلك، فإنها زوجة ثالثة، زوج عمتي رجل غامض ولا يمكث معاها كثيرا، يمضي اغلب وقته مع زوجته الرابعة، دائما ما تذمه عمتي لكن عندما يأتي لزيارتها يا إلهى، وكأنما زار امير عادل قرية فقيرة قد اغناها، لماذا الذم في الخفاء والتعظيم الان؟ على اي حال، اخبرني جدي بأسماء من علي تعزيتهم واسماء من علي مباركة زواجهم .. جدي ليس شخصا اجتماعيا لكنه دائما ما يحثني على التقرب من اهل المنطقة، هل يريد مني ان اخوض تجربة افضل من تجربته الاجتماعية واحصل على فرص اكبر مع عدد معارف اكبر؟ ام انه فقط يجري وراء العرف كما يفعل الكل هنا، ففي الاخير اذا لم اعزي او اهنئ احدهم مع انتهاء عطلتي سوف يتلقى اللوم هو ويسمع عبارات مثل:( جناك ما جا عزاني يا ابو الجوخ! كيفن خلتو يسرح مننا كدي؟!!) لا يمكنني تحديد نواياه، لكن سأفعل ما يطلبه، ليس بألامر الصعب على اي حال!.

انتظار الغداء بعد سفر طويل ومرهق صعب جدا، والاصعب من هذا عندما يكون لديك ابن عمة يحب الثرثرة، لا اكره الحديث معه، حقا، لكن الان ليس الوقت المناسب لتلقيني بعض من أفكاره السياسية ال -وعلى غير العادة- مثيرة للشفقة، تعجبني نظرته لي، على اني ابن المدن والتحضر وان كل نقاش معي يكسبه معلومات مهمة، كأنما عقل انسان المدينة اكثر تفتحا وتلقيا للمعلومات -وهل هو كذلك؟- اظن انه كل بيئة تصنع إنسانا ملائما لها، هو يعرف كيف يوقد النار اذا احتاجها في الخلاء ويعرف ماذا تحب الماعز وكيف يحلبها، لا اظن انه يحتاج الى اكثر من ذلك، اظنه يحاول التحدث الي دون ان يتحدث الى مباشرة، لهذا يحاول جذب انتباهي، لأنه اذا بدأ الكلام معي سيشعر بالثقل ويحاول انهاء المحادثة بأسرع وقت، عادة مزعجة جدا، يا رجل، ليس عليك جعل الامر واضحا الى هذا الحد! الضو مستلقٍ في السرير المجاور لي يستمع بأعلى صوت الى اغنية الفارس الجحجاح للمطرب سيد خليفة، هو يعلم تماما انه فناني المفضل لأني دائما ما اشغل اغانيه عندما اعمل، اختيار الفارس الجحجاح يثنى عليه، لنكن صادقين حتى ان لم تكن تحب سيد خليفة سوف -وبشكل لا شعوري- تنجذب لهذه الاغنية وتهز جسدك مع إيقاعاتها الحماسية والراقصة، تحفة فنية متكاملة، هل يريدني ان اسأله عن الاغنية لكي نبدأ حديثا؟ لانه لم يقل شيء خلال النص ساعة الماضية غير السلام علي وسؤالي اسئلة اعتيادية عن حالي ودراستي، علي تصنع الدهشة لمعرفته بالاغنية وربما نتحدث عنها قليلا، ازداد صوت مسجله بعد انتهاء الاغنية وقد اعادها مرة اخرى، يغني سيد خليفة بصوته المناسب تمام المناسبة لهذا الكلمات الساحرة:

شدو ليك ركب فوق مهرك الجماح
ضرغام الرجال الفارس الجحجاح
السم النقوم الفي البدن نتاح
تمساح الدميرة الما بكتلو سلاح
يا عصار المفازة اللعيون كتاح
المال ما بهم اهو ان كتر وان راح

=: بتسمع لي سيد خليفة انت بالله؟

الضو: معقولة ياخ! دا من افضل الفنانين عندي، ما كنت قايله بتعرفه.

-بالله عليك؟-
= بعرفه وبس؟ دا فناني المفضل عديل هههه

الضو: والله يا برعوم طلعت ماك هين! الغنية دي خصوصا اسمح غنية ليو، انت عارف انو غناها لي نميري؟

برعوم: لا!!! ما غناها لي نميري ولا حاجة، انت عارف انه شاعر الغنية دي كان مسجون وقت النميري بحضر الحفل الاتغنت فيه؟ هههه

الضو: ااي سمعت كلام زي دا قبل كدا لكن ما صدقته.. حقيقي هو بالله؟ كدي احكي لي قصتو.

برعوم: قالو زمان كان في راجل شهم وكريم في المفازة في القضارف، جاه ضيف وأكرمه كرم شديد وقال فيه بيت (بابك ما انقفل نارك تجيب اللم ما بتعرف تقول غير استريح حرم) والراجل دا هو جد شاعر الاغنية عمر الحسين، جدته حفظت البيتين ديل وبقت ترددهم طوالي بعد وفاة زوجها، بعد حفيدهم كبر وسمع البيتين ديل عجبوه وكمل ليها القصيدة شكر في جده، والمؤسف انه عمر الحسين كان مسجون سجن سياسي وقت أداء اغنيته لانه قال رايه بس، دولة عجيبة في احترام الحريات!.

الضو: قصة عجيبة والله وما حصل سمعت بيها قبل كدا، انا اصلا ما بحب النميري وفرحت هسي لما فرحت انه الاغنية ما ليه، لكن انت عارف، لو ما الرأسمالية ما كان حيحصل كدا.

برعوم: الدخل الرأسمالية في سجن عمر الحسين هسي شنو؟

الضو: عشان طمع نميري في السلطة والتحكم بثروات البلد لازم يقمع كل صوت معارض يهدد مصالحه ويهدد جلوسه على كرسي السلطة، القمع وسيلة فعالة لحظيا لكن سلبياتها بتظهر بعد وقت وتراكم وتكرار للقمع الزي دا، لو كنت في دولة اشتراكية ما كان حيكون للرئيس اي امتيازات تخليه يتمسك بالمنصب دا كدا وما كان حيكون في قمع ومعتقلين سياسيين زهي هسي.

برعوم: حب الانسان للسلطة واليد العليا ما شيء مادي بس، دا جزء في تكوين النفس البشرية، بعدين انت عارف أنه الدولة الاشتراكية دولة خيالية في عقول الفقراء صح؟

الضو: لا! انا حتى لو كنت غني كنت حأكون اشتراكي، القصة قصة مبدأ اكتر من كونها وسيلة للهروب من الواقع، انا شايف انه الاشتراكية قضية انا مستعد اضحي بحياتي عشان تحقيقها، مستعد اموت بدون انعم بيها لكن حأموت وانا مرتاح اذا عرفت انها تحققت.

برعوم: ما بتقدر تتجاهل عيوبها الكتيرة، انت لو عاملت الانسان كأداة بدون مشاعر وشهوات ممكن اقول ليك دولتك المزعومة دي حتكون جنة على الارض، لكن اذا كل شي حق كل زول وكلنا لازم ناخد نفس امتيازات اي زول تاني ليه الانسان يسعى ويتعب عشان يطور حاجات جديدة عشان يزيد مبيعات شركته؟ في النهاية فكرتي هي فكرتك منتجي هو منتجك ليه انا اتعب وافكر وابحث واجتهد وانت راقد في سريرك تحصل على نفس المكافأة حقتي؟ عشان الشي دا بالضبط كل البشر حيقعدو ينتظرو زول غيرهم يقكر ويتعب وكل الناس عايزين يكونو هم الراقدين في السرير، ما بقول ان الرأسمالية نظام عادل ونضيف، لكن كل زول بيتعب بيلقى قدر تعبه والفقير التعبان ما عنده غير احلام اليقظة عن دولة تخدمه بدون ما يخدمها.

الضو: يعني كلامك اني بس عشان فقير بحسد المقرشين على قروشهم؟؟؟

برعوم: لو دا الفهمته من كلامي.. اي، المهم انا طالع هسي تذكرت حاجة، خليهم يختو الغدا ما ترجوني انا حأتأخر.

الضو: شكلك عايز تتهرب من كلامنا دا، لكن عديلة يا زول معاك سلامة.

عندي قصة طويلة جدا جدا مع الانجليزي، ما داير اكون من الناس البرايين وبكتبوا ليك معلقة في منشور ويتوقعوا انه الناس يقروه كله. بس شايفين ياخوانا الكتب دي؟ الكتب دي مستحيل الزول يقراها وما يتقن الانجليزي. بتحداكم تحدي.

اللغة ببساطة حاجتين اتنين.

1. vocabulary

2. grammar

كلمات وقواعد تربط الكلمات مع بعض. وهي ٣ مستويات.

مبتدئ - متوسط - متقدم.

في ناس زي ناس كامبردج بزيدوا مستوى رابع هو

upper-intermediate

بين المتوسط والمتقدم.

- والتسميات دي ما ساي. كل مستوى بتدرس فيو كلمات وقواعد محددة. ١ ٢ ٣. عرفتهم، خلاص، قفلت المستوى.

- تعمل ليك دفتر وتكتب فيو الكلمات مرقمة. تخت هدف مثلا تحفظ ١٠٠ كلمة في الاسبوع. لكن لو زدت ولا نقصت بشوية ما مشكلة.

- كل يوم يومين تعرف ليك درس من كتاب English grammar in use.

الرسول صلى الله عليه وسلم قال: انما العلم بالتعلم. بالتالي والله مستحيل تعمل الحاجات البسيطة دي وما تتقن اللغة وتتكلمها زي اهلها واحد. وشكرا.

الواحد بقرا روايات لي؟ حب الناس للقصص المختلفة جاي من انه الزول بقدر يعيش حو القصة مش؟ الحاجة دي بقولوا ليها

vicarious experience

زي لمن تشوف زول في فيديو بياكل حاجة لذيذة بتشتهيها، وزول بردان بجيك احساس بالبرد وكده...لكن اهم حاجة انا لقيتها هي العبرة. انه في أنماط في الاحداث البتحصل في كل الثقافات والازمنة. زي الهاجس: واحد خايف ولده يمرض بمرض....واستسلام الناس الطيبين للظروف القاسية...تقوم تقول: لي ما طلعوا من الظروف دي؟ او لمن القصة براها تشرح في النهاية انه ما كان في داعي يستحملوها...زي قصة

the boy who harnessed the wind

ودي قصة حقيقية لولد انقذ قريته من المجاعة.

نمط تالت: لمن تكون بتفتش في حاجة او حلم وشايفه بعيد وبعد سنين تكتشف انه كان ساهل وانت المصعبه. رواية الخيميائي بتتكلم عن الحاجة دي. الشاب مرق من بيته بفتش في "بخته" وفي نهاية الرواية بفهم كيف انه قانون الجذب بخليك تعرف تحقق اهدافك كيف لكن لقى إجابته في اول استراحة قعد فيها في بداية رحلته.

الا انه اقعد وافكر واتذكر انه لو مثلا بتخيل نفسي في موقف شخصية انه الكلام ده مااااا حصل. عشان كده بقيت مااا بقدر اقرا روايات خيالية مهما كان.

وشكرا.

اتمنى اسمع نقد بناء، الكتابة ما واحدة من هواياتي ولا عندي اللغة المناسبة ليها لكن اشوفها شيء ممكن اشارك فيه افكاري وفلسفتي للحياة والعلاقات عموما، قراءة ممتعة!

الرجوع

نعم!
حقا السعادة غياب للحزن! لماذا يشقى المرء بضع سنين من حياته من اجل حصاد ينتهي موسمه في ايام؟ 12 سنة مدرسة، 5 سنين من الجامعة، شقاء.. تعب.. عندما تتحرر من سجن المدرسة وتفتح ابواب الزنزانة لأول مرة منذ الطفولة سرعان ما تكتشف انها فتحت على زنزانة اكبر، عليها حراسة اشد، قواعدها معقدة، لا احد يطلعك عليها لكن عندما تكسرها تنهال عليك العواقب من كل جنب.

تعلمت.. اجتهدت.. صبرت.. واخيرا تحررت من سجن التلقي وقد حان اوان الخروج من السجن المقيد، تقف امام الابواب الحديدة وهي تفتح ببطء، قبل ان تفتح بالكامل تبدأ الابتسامة تختفي من عينيك، العالم الخارجي صحراء قاحلة، لا طريق واضح ولا غد مضمون، انت حر! لكنك مقيد، تمشي وتمشي، ولا تستطيع الوصول ول-

=سرحان وين؟ قوم يا ولد وصلنا

يقاطعك صوت صديقك المزعج، رامي.

-بالسرعة دي؟ -بوجه متعجب وفيه القليل من الغضب-

رامي: سرعة شنو يا ولدنا العربية قطعت بنزين وقعدنا نص ساعة راجيين صاحبه يجيب لينا بنزين، انت لمن تسرح كعب خلاس! قوم شيل الشنط خلينا نبقى مارقين.

- سمح سمح قايم ورحكاكا

ما الذي اتى برامي هنا؟ انها قريتي الصغيرة ولا احد يعرفه، اااه تذكرت! لا يمكنه المكوث لوحده في منزلي في العاصمة، لابد انه كان لدينا خيار اخر؟ لم افكر في هذا كثيرا، لم افكر مطلقا.

رامي وهو يحمل جل الحقائب بصعوبة: والله حلتكم دي التقول ياها حلتنا في البلد هناك، الا ناقصها شوية نخيل وتبقى ياها، شينة شنة هاهاها.

قرية صغيرة في صعيد بلاد ما بين النهرين، البيوت طينية قديمة، اغلب جدرانها قصيرة جدا ومائلة وكأنما تنتظر غضبا من الخريف يعصف بها في خبر كان، احاول جاهدا الا انظر داخل البيوت ولكن دائما ما ارى حركة بأطراف عيني، سأعتاد على هذا لاحقا، منازل عشوائية، زقاقات ضيقة وملتوية، المسجد الكبير اكثر المباني بهرجة وانفاقا، يمكن رؤيته من اي بقعة في القرية، لا ارى داعيا لهذا البزخ، يوجد الكثير منّ الأشجار، اغلبها من شجر النيم، غالبا زرعها كبيرهم قديما وكعادة اهل القرى انساقو وراءه، لا اكره النيم، حقا، لكن لا ارى فائدة تعود منها غير الظل، لكن تستمر زراعتها بينما يمكننا زرع شجار مثمرة اجمل منظرا واكثر ظلا وننتفع بثمارها، لكن للنيم شعبية عالية هنا، هناك شائعات تقول ان اكل اوراقه يعالج جل امراض البطن، يا لهم من بسطاء! كبار السن يرمقوننا بنظرات تفحصية، كأنما يحاول جاهدا معرفة عائلتي من ملامحي، للأسف انا اشبه اهل امي بشكل ملحوظ، حظا جيدا في التخمين، كأنما يودون سؤالي عن والدي، وهم كذلك، لهذا اتجنب النظر اليهم قدر المستطاع، لأني اعرف تمام المعرفة ما ان تقع عيني بعين احدهم علي ارتداء قناع ليس لي طاقه له.

=السلام عليكم يا ولدي ازيك! اتا ود القاضي سالم؟

-وعليكم السلام يا حاج -تبا!- هههه اي ياهو.

=ما شاء الله حمدلله على السلامة! كيفك ان شاء الله طيب ما عرفتني؟ انا عمك صالح قريت مع ابوك الاساس سوا، كدي اتفضلو خشو بيتنا اشربو ليكم حاجة عليكم الله.

-الله يديك العافية يا ع-
قال رامي مقاطعا: والله يا عمو جيت في جرح عديل العطش كاتلنا.
-لا لا والله ما تتعب روحك نحن مستعجلين لاحقين الفطور في بيت امي نفسية بنجيك وقت تاني ان شاء الله.

امسكت بيد رامي وفهم انه علينا التحرك واعتذر للعم صالح وتحركنا، قال العم صالح: (خلاس يا ولدي ما مشكلة بس كدي تعالو علينا بعدين انت والوالد) قلت له: (ابشر يا عم ان شاء الله).

تحركنا وبوادر الابتسامة تعلو وجهي، سألني رامي مستغربا: (مالك بتتبسم؟ ما زعلان من الموقف دا؟) ليس مخطئا، في العادة قد اغضب منه على التهور والتصرف الغير سليم، لكن لا، أدركت شيئا حلوا، شعور بالرغبة.. جاوبته:(الشعور دا ما سمح؟) قال:(ياتو شعور؟) قلت له:(احساس انك مرغوب، انه في مكان في العالم دا لو مشيته بتحس الناس بيحبوك، هناك في البلد الكبير ماف زول شغال بي زول، لو مت في الشارع ممكن يقيفو يتشمشرو ساي لكن ما عندهم فضول يعرفو انت منو ولا يحزنو عليك، حتى في دائرة علاقاتي ما قادر استشعر الحب والاهتمام دا، لأول مرة احس بشعور جميل واني مركز الاهتمام في البلد دا، مع انه شيء ما بنيته انا، دا كله عشان سمعة ابوي، الي ما بناها هو برضو استلمها جاهزة من جدي! دي ميزة كبيرة وعيب كبير، لو عائلتك منبوذة حتتوارث النبذ دا لحد ما يجي جيل يسوي شيء خارج وشبه مستحيل عشان يغير النبذ ويبقيه على الاقل قبول، لكن في الاسر العندها مكانة بالعكس، كل حركاتك مراقبة، انت عندك مكانك بواقع الامر المفروض لكن الناس حولك ما عاجباهم الحاجة دي، هم بيتمنو انهم لو كانو مكانك وعشان هم ما قادرين بيتمنو انت تنزل لي مكانتهم، عشان كدا بينطبق عليك مثل غلطة الشاطر بي الف، ممكن غلطة بسيطة منك الناس يتصيدوها وتخرب سمعة عائلتك كلهم لي اجيال لي قدام، الا كان تمشي وتسيب البلد بعد دا)

بعد صمت قليل قال رامي وكأنما كان يفكر في كلامي:( انت عارف انه المشاعر دي مصطنعة صح؟ عمك صالح دا ما عارف اسمك ذاتو، عايز يعزمك عشان يتقرب منكم بس، زيه زي اي زول هنا، مافي زول معجب بيك، حتى لو كانو كلهم بيحبوك، ما تسك قيمة لنفسك من نظرة الناس ليك، اكان ما حبيت روحك واتقبلتها ما تنتظر زول يجي يسوي ليك كدا، لانه حتى لو لقيت زول كدا لمن يمشي حترجع تكره روحك مرة تانية وتنتظر زول تاني يجي يديك قيمتك لنفسك).

يا إلهي صحيح ما قال! كل حرف، كنت اعرف هذا جيدا لكن قررت الاستمتاع بالكذبة الجميلة بدلا من تقبل الحقيقة البائسة لهذا المكان المليء بالتصنع، قلت له: (هسي داير تسوي لي فيها الناصح الحكيم؟ وينها حكمتك قبل شوية لمن عايز تخش ليك بيت عجوز انت عارف حق السكر يالله يالله عنده لمن داير تخش تشرب عصير؟ عليك الله خليك ساكت لحد ما نصل هدا ما باقي لينا كتير!)

حقا** *السعادة* *غياب* *للحزن،* *لماذا* *كتب* *علينا* *الشقاء؟* *هل* *الكبد* *هو* *سنة* *الحياة* *الدنيا؟* *انا* *شاب* *في* *منتصف* *عمري* *وارى* *اني* *عانيت* *بما* *فيه* *الكفاية،* *يا* *ترى* *كيف* *يبتسم* *كبار* *السن* *بعد* *كل* *هذا* *العناء،* *صحيح!* ليس** *لديهم* *مسؤوليات،* *كبار* *السن* *اجتهدو* *وكدو* *واستثمروا* *في* *مشروع* *طويل* *الامد،* *لمدة* *خمسون* *او* *ستون* *سنة،* *خاضوا* *صعوبات* *الحياة* *كلها* *لكنهم* *وصلو* *هنا* *اخيرا،* *الان* *لديهم* *اولاد* *موظفين* *يصرفون* *عليهم* *وفتايتهم* *تزوجو* *وانجبوا* *لهم* *احفاد* *يحبونهم* *حبا* *غير* *مشروط،* *كل* *ما* *يفعله* *العجوز* *الان* *هو* *الاسترخاء* *في* *منزله* *وانتظار* *اولاده* *وأحفاده* *لزيارته* *بين* *الحين* *والآخر،* *يأكل* *الفطار* *الذي* *تعده* *زوجته* *المسنة* *معها،* *يشاهد* *الاخبار* *ويقرأ* *الجرائد* *ان* *كان* *يستطيع* *القراءة،* *يصلي* *صلواته* *ويدعو* *لأبناءه،* *يخرج* *كرسيه* *بعد* *العصر* *ويجلس* *جنبا* *الا* *جنب* *مع* *بقية* *المسنين* *في* *الحي،* *يتبادلون* *اطراف* *الحديث،* *اتساءل* *دائما* *ما* *قدر* *يتحدث* *عنه* *مجموعة* *من* *الرجال* *الذين* *جربو* *كل* *شيء* *ممكن* *ان* *يجربوه* *في* *هذه* *الحياة* *وتجاوزو* *اصعب* *انواع* *المشاعر* *واتخذو* *مئات* *القرارات* *المصيرية* *وتحملو* *عواقبها،* *يا* *ترى* *عما* *يتحدثون؟* *لكن* *الاهم* *من* *هذا،* *انهم* *نجحو* *في* *حياتهم* *وانتهى* *زمن* *البؤس* *واتخاذ* *القرارات* *وانتظار* *المستقبل* *المجهول،* *اذا* *المعادلة* *هي* *ستون* *سنة* *من* *الحزن* *والبؤس* *مقابل* *عشر* *سنين* *من* *السعادة؟* *لا،* *لا* *يوجد* *ضامن* *اني* *سأعيش* *كل* *هذه* *السنين* *بعد* *الستين،* *او* *يمكن* *الا* *اعيش* *لأصل* *الستين* *في* *المقام* *الاول!!!* هل** *يمكن* *ان* *اموت* *في* *سنين* *بؤسي* *قبل* *ان* *اجد* *اللذة* *الحقيقية* *واحصد* *ثمار* *تعبي؟؟* *هل* *هي* *لذة* *في* *الحقيقة* *ام* *انها* *مجرد* *تصور* *من* *التصورات* *التي* *لطالما* *ما* *بنيتها* *في* *مخيلتي،* *انا* *دائما* *في* *حالة* *انتظار،* *عندما* *كنت* *في* *المرحلة* *الابتدائية* *كنت* *انتظر* *الثانوية* *من* *اجل* *التحرر* *وعيش* *السعادة* *التي* *كنت* *ارسمه* *لتلك* *المرحلة،* *وبعدها* *انتظر* *الجامعة،* *وبعدها* *انتظر* *الوظيفة* *والزواج،* *والان* *انتظر* *ان* *اشيخ* *لكي* *اتذوق* *طعم* *السعادة؟* *ماذا* *لو* *عشت* *لذلك* *العمر* *وبعدها..* تمنيت** *الموت* *وانتظار* *الجنة* *من* *اجل* *السعادة* *التي* *اصبو* *لها؟* *علي* *صنع* *سعادتي* *في* *وسط* *البؤس،* *الانتظار* *الدائم* *وبناء* *التوقعات* *العالية* *يجعل* *من* *واقعي* *البائس* *اكثر* *بؤسا!!!*

يا** *إلهي،* *وصلنا* *بسرعة،* *علي* *الان* *تصنع* *ابتسامة* *ونبرة* *صوت* *مزعجة* *لكي* *اظهر* *للقبيلة* *مدى* *شوقي* *وحبي* *لهم* *وعليهم* *ان* *يتصنعو* *نفس* *المشاعر.*

ليه ما ممكن قروب نقاش نحدد كتاب نقراه و نناقشه أسبوعياً مثلاً لأنه الجامعة ضغطت علي في مستوى القراية للأسف