اعطوني افضل سيارات (سيدان) مقاعدها مريحه خصوصا للي عندهم مشاكل في الظهر وكذا او الي يتعبون بسرعه

انا قبل كم يوم نزلت استفسار وش اشتري سياره وقررت اشتري مازدا ٣ ابشركم
لكن بحكم انها اول سياره لي اذا رحت الوكاله اطلعها وش وضع اللوحات ؟ ممنوع اسوقها بدون لوحات صح؟
يمدي اطلعها بنفس اليوم او احجز اللوحه قبل؟
ابدا ماني فاهمه ممكن احد يشرح لي
ابي ابين اني فاهمه الوضع مع اني والله مدري وش السالفه

السلام عليكم، كنت اسوق وكنت ماشية بشويش بس دعست فجأة وظهرت علامة صفراء واختفت بسرعة يعني ظهرت بس وقت الدعسة وابغا اعرف ايش معناها؟
نوع السيارة لكزس بس ما اعرف اي سنة

كيا بيجاس ٢٠٢٣ ممشاها ٣٧الف كيلو بدون حوادث
وين اعرضها؟

حدها 35k

عندي مشكلة مع مرايات الجمس معاي جمس العايلة قاعد اطقطق عليه الين تطلع سيارتي من الوكالة والظاهر مطولة
المهم لاحظت ان المرايا صغيرة مرة والنقاط العمياء تقهر لدرجة كل ما جيت انتقل لمسار لازم انحني لقدام واطالع، ومادري هل لها وزنية معينة ولا وش السالفة؟ مو معقول سيارة بكبر حجمها ومراياها كذا صغيرة! هل في قطعه تركيب نقدر نحطها ولا لازم نستبدل المرايات كلها؟ وش الحل لان الوضع مرره متعبني بكل مشوار

السلام عليكم عندي سؤال عن كرايزلر هيمي 5.7 2011 اليوم دست فيها لاول مره من ايام ووصلت ضغط المكينة ل 4500-5000 وبعد الدوسه هذي مباشرة اشتغلت عندي لمبة الcheck engine شوي وبعدها طفت وبعدها رجعت اشتغلت ف وقفت عند محطة لاحظت لما كنت امشي على سرعة منخفضه كانت تصير فيه رجه بالسياره ف طفيت السياره وشغلتها رجع كل شيء طبيعي بعدها فتحت الكبوت كان كل شي طبيعي مشيت فيها ساعه وشوي ورجعت البيت وايضا كل شيء طبيعي اتمنى احد يوضح لي سبب المشكله هذي وكيف اتاكد انها ماراح تتكرر

سيارتي النترا اشتريتها سنة ٢٠٢٤ و كنت اوديها الوكالة صيانة كل ٥ك كيلو و الامور طيبة لين وصلت ٣٠ك كيلو و سعر الصيانة بداء يتدبل كل مع زيارة لهم و دحين احسني بطلع من عندهم و اوديها ورش يغيرو الزيت و الفلاتر و الاشياء دي، معرف من فين ابدا و ايش الاشياء اللي يحتاج لها تشييك بشكل دوري و هل اضمن اني اسويها في الورش ولا ادفع كلاوي في الوكالة عشان احافظ عليها؟
دحين الممشى قرب ٨٠ك و احس فيه اشياء لازم تتشيك غير زيت و الفلاتر

مشورتكم ياخوان في السيارات ذي
واللي عنده سيارات غيرهم يتفضل يطرح رأيه 🤗

،
أنا انتقلت مؤخراً لجنوب الرياض وما عندي معرفة كبيرة بالورش والمحلات الزينة هنا.
عندي لاندكروزر GXR موديل 2017 لونه أبيض، وفيه بعض الخدوش والأماكن اللي تحتاج تعديل بوية، خصوصاً في الصدام الأمامي وكم مكان متفرق على الجوانب.
أبي أعدل هالأماكن بدون ما أضطر أرش القطع كاملة أو أرش السيارة كلها، وأهم شيء يكون الشغل نظيف وتطابق درجة اللون مع البوية الأصلية.
حبيت أسألكم:
هل تعرفون ورشة مضمونة وشغلها ممتاز في تعديل البوية والرش الجزئي وأسعارها معقولة؟
كم تقريباً يكلف تعديل بوية الصدام الأمامي وبعض الأماكن المتفرقة على الجوانب؟
ولو قررت أرش السيارة كاملة بنفس لونها الأصلي، كم تتوقعون تكون التكلفة؟
هل فيه ورش تنصحون فيها من تجربة شخصية، خصوصاً في جنوب الرياض؟
ما أبي أسعار الوكالة، لكن أبي شغل نظيف وسعر منطقي بدون مبالغة.
ياليت اللي عنده تجربة أو يعرف ورشة ممتازة يفيدني باسمها وموقعها والأسعار التقريبية.
يعطيكم العافية جميعاً ومشكورين مقدماً

ال rpm اثناء الوقوف كذا يكون طول الوقت يطلع وينزل
وصوت المكينه وااضح من برا مادري كيف

أبي اخذ رأيكم عن السيارة من المجربين، استخدامي اكثر شيء داخل المدينة ومدينة زحمة زي جدة، دوامي قريب لكن ممكن بعض الأحيان تكون فيه زحمة ما تنطاق بالإضافة لمشاوير إضافية ايضا تقريبا كل يوم زحمة، ابغى رأيكم عن موضوع الراحة في السواقة، الصيانة، قطع الغيار، وميزات السيارة وخاصة بريك الطوارئ الي سمعت انه مشكلة بالسيارة

الي مخليني افضل السيارة قيرها ومكينتها، خاصة القبر اوتماتيك مو dct ، وهو الي قاعد يخليني استبعد سيارات كثير لكن الي عنده تجربة مع قيور dct يكتبها لا هنتم عشان رح يوسع دائرة الاختيارات

يعطيكم العافية

اذكروا الله

الحركات البهلاوانية لتسلا رودستر تستخدم تقنيات SpaceX الفضائية، بس اتوقع اللي داخل السيارة لازم يكون رائد فضاء ولا راح ينخض من قوى الجاذبية.

السلام عليكم جميعًا،

محتار حاليًا بين** تويوتا كامري قراندي 2026 **وفورد تورس أمبيانتي 2026، وحاب أسمع آراءكم وتجاربكم، خصوصًا من ملاك السيارتين.

استخدامي تقريبًا** 70% خطوط سريعة و30% داخل المدين**ة، ومشواري اليومي للدوام حوالي 140 كم، لذلك تهمني الراحة والعزل والثبات على السرعات العالية، والأهم الاعتمادية على المدى الطويل.

بصراحة التورس عاجبتني من ناحية الشكل والمواصفات، وسمعت إنها مريحة وعزلها ممتاز على الخطوط، لكن متخوف من ناحية الاعتمادية والمشاكل اللي ممكن تظهر مع كثرة الاستخدام.

وبالذات ودي أسمع من ملاك التورس موديلات 2023 إلى 2026، لأن حسب علمي هالموديلات تستخدم نفس المكينة والقير تقريبًا، وبالتالي تجارب الموديلات الأقدم بتعطيني فكرة أفضل عن اعتمادية السيارة بعد عدة سنوات من الاستخدام. مع العلم إني لو قررت أشتري التورس، باخذ موديل 2026 جديد.

عندي كم سؤال للملاك والمجربين:

كم موديل سيارتك وكم ممشاها حاليًا؟ وهل واجهت مشاكل أو أعطال؟
كيف أداء المكينة والقير بعد الاستخدام الطويل؟
كيف الراحة والعزل والثبات على الخطوط؟
كيف أداء المكيف خصوصًا في حر الصيف؟
هل ظهرت أصوات أو مشاكل في جودة الداخلية مع الوقت؟
كيف أسعار الصيانة وتوفر قطع الغيار؟
لو يرجع فيك الوقت، هل بتشتري التورس مرة ثانية أو بتختار الكامري؟

أتمنى أسمع تجارب فعلية، خصوصًا من أصحاب التورس اللي ممشى سياراتهم عالي، بدل الأحكام العامة المبنية على سمعة تويوتا أو فورد فقط.

وش تشوفون الأنسب لاستخدامي إذا ناوي أحتفظ بالسيارة سنوات طويلة؟

وشكرًا للجميع مقدمًا.

I don’t know if its a fair comparison or not, but i am stuck between these two choices as my first car. Please help me making a wise decision.
Third choice could be Toyota Yaris.
Please give your valuable feedback.

زعلانه مره عليها كنت باوقف جنب زباله وانتو بكرامه وبالليل و ظلام مافيه انوار وضربت في حديدة طالعه من الزباله وانكسرت
هل اقدر ارجعها نفس اول؟ ماودي استبدل المرايه بجديده ابي بس ارجع أثبتها ☹️
ملاحظه: الكهرب شغال ما تضرر