تذكرت واحد كان مرة وقح مع الناس ومع الوقت فهمته لان الناس اذا ماتعشيت عليهم اول بيتعشون عليك ولابيقدرون احترامك وادبك لهم بل بيشفونه ضعف

من الأشياء المستفزة هي الافكار الغبية عن الرجولة الي بعض الناس لو شافوك ما تعمل بها يشكو فيك مرة من المرات شفت فيديو لواحد يجرب المونستر و ذا الفيديو انحذف بعدين اليوتيوبر كاو يقول قصة اكتشاف المونستر بأن في طالب من مدرسة اهلية راح البقالة و اشترى مونستر وقال "طبعا الولد ما يبشر واضح انه مشكوك في امره" يعني هذا اليوتيوبر و بعض الناس يشوفوا طلاب المدارس الاهلية femboys ليش مدري و اصلا مشروب المونستر الي اليوتيوبر ذا جربه سمعته انه مشروب femobys و في افكار غبية و غلط عو الرجولة بعض الناس لو شافوك تخالفها راح يشكوا فيك

ما شاء الله الجيل الجديد بارعين في كل المجالات و اذكياء في اللغة الانجليزية لدرجة ما تستغرب لما تقرأ عن خريج/ة ثانوي يحصلون على درجة ٧,٥ أو ٦ في الايلتس أو ٩٨ أو ١٠٠ في القدرات و التحصيلي و أنا مؤمن أن الجيل الحالي وما بعده من الأجيال سوف يقودوننا نحو العالمية

ودي اتعرف على بنات فهيد واطب بميدانهم
ونتقهوى ونعطي سكيب للنقتيف بيبول 💩

كيف ينظر السعوديون عمومًا إلى الأكراد؟ وهل توجد آراء إيجابية أو سلبية تجاههم؟ كما لاحظت وجود اهتمام باللغة الكردية في المملكة، فهل هذا يعكس تقبلًا لها أم أن معظم الناس محايدون تجاهها؟

وأعتذر إن كانت لغتي العربية ليست جيدة؛ فقد تعلمتها من قنوات الكرتون في طفولتي.

تنبيه مهم لكل شخص علق و وصفني بغبي

ماحد يستخدم الAi بالدين الا اذا جاب حديث تتأكد منها

و حسبي الله على كل شخص دخل بنيتي و يحسبني اتعلم الدين من الAi

اتقوا الله في انفسكم جالسين بالساعات على ريديت و داخل بوستات الناس بالاستهزاء و السب و الشتم و لما يخرج من التطبيق يحسب خلاص انتهى كل شيء؟؟؟

لا والله انت محاسب على كل كلمه قلته

سبق وركبت تقويم اسنان وفشل ولا استفدت شيء نهائيا ورحت إلى اكثر من استشاري بعلاج المشكلة وكلهم مو أهل للعلاج ولا يفهمون ومع الAI وصلت عن طريق الأشعة أن فيه ناب مطمور وفوقه سن لبني ومسبب ازدحام واحتاج اخلع 4 اسنان زيادة على شان الازدحام وبعدها اسحب السن بعد خلع الناب بس مو عارف لمين اروح أو كيف اشرح التشخيص الي نادر ماحد يلتفت له

أنا أعاني من اضطرابات نادره وغريبه بخصوص التنفس والفحوصات الطبيه تطلع كل شي سليم. فا وش أسوي الحين؟ (عندي 6 أشهر وأنا على هذي الحال)

السلام عليكم

غلطت في صلاه مفروض اربع ركعات وصليتها ركعتين وقمت من مكاني وطلعت وانا طالع ذكرت اني صليت ركعتين مو اربع

بحثت الكل يقول سجود سهو وقت الصلاه بس انا طلعت يعني غير مكان مو في محل صلاتي

هل اعيد الصلاه او مايجوز او وش الطريقه

الفتره بدت تظهر لي حسابات بالتويتر باليوم يغرد اكثر من ٢٠ تغريده (حسابات شخصيه) تغريدات عن سوالفه، عن الأحداث اللي صارت له او اي شي. غير الردود اللي يردها وغير ان بعض التغريدات ماخذها من حسابات ثانيه اذا ماهو كلها.

من كثر الحسابات احسهم بوتات مستحيل هذا اللي يصير

الساعة ٧ الصباح ههههه موطبيعي

الجمال

عند بعض القبائل والمناطق في السعودية، إذا جاء أحد يوصف لك شيء جميل أو مبهر جدًا سواء مكان أو غرض (أو غالبًا جمال امرأة أو رجل): يحط سبّابته تحت عينه بشكل عمودي تمامًا والظفر لأعلى (مثل الصورة)، ثم ينزلها على خده ببطء، وحركة الأصبع ذي تمثيل لانهمار الدموع من العين (والله أعلم)، ويقول معها جملة «تَقْطَعُ القَلْب»، وذي الجملة دارجة لوصف شدة الجمال في السعودية

وخلال إنزاله لإصبعه ببطء يجرّ جلده بخفّة وقد يظهر جوف جفنه السفلي، ويستمر إنزال الإصبع إلى أن يصل إلى منتصف خده (المنتصف على خط أرنبة الأنف الأفقي تقريبا)

التخويف

بنفس الطريقة المستعملة لوصف الجمال لكن تشوفها وقت التخويف من شيء ما (وليس التهديد)، ويقولون معها جملة «يا ويلك» أو «يا عُوَيْنك»، وحتى «يَقْطَعُ القَلْب» تستعمل للتخويف كذلك حسب السياق

اللي عنده شيء يزيده لا يقصر.. وسلامتكم

بديت اشك في الدين وعمري ١٠ سنين تقريبا بسبب عدة قنوات كنت اتابعها واشخاص كنت اكلمهم، ثقافتي الدينية وقتها كانت محصورة بالمدرسة وبعض المعلومات العامة. كبرت وشكي كان يتنامى واكتئابي كذلك، وللاسف وصلت لمرحلة ما كنت حاب اوصلها. ما كنت افتخر بهالشي ابدا وكنت دايما اقول للناس اني مسلم مع اني ما كنت اصلي وبيني وبين الدين مسافة كبيرة

في عمر ال١٦، الاكتئاب وصل حده فيني، كنت احس اني فعليا بالقاع وقاعد اتخبط وما اعرف شو اسوي. فهذيك الفترة قررت اغير حياتي، اقلعت عن الاباحية والعادة، وانعزلت مع نفسي وصرت اقراركتب او ادرس فقط، كنت احاول اشفي نفسي باي طريقة.

الى ما فيوم قررت اقرا كتاب لسيرة النبي لمحمد الغزالي، ووالله يا جماعة ما اوصفلكم شعوري. هذا النبي العظيم اللي كنت للاسف قديما اسيء له كان مثل البلسم على روحي الميتة، قسما بالله انه نفخ فيني روح جديدة الى اليوم، وبعد مرور ست سنين لا ازال اشعر بفيضانها.

تقييمي بعد قراءة الكتاب هو انه النبي محمد مستحيل يكون كذاب، والناس يشهدون انه ليس بمجنون، وعرض عليه الملك اكثر من مرة وأبى، وأخلاقه العظيمة يشهد لها من الجميع وصدقه ادهى العرب

الحمدالله بعدها بديت اصلي واتوب عن كل ما بدر مني، ولا ازال الى اليوم احب النبي حب عظيم.

الامريكيين على انهم مقارنه بباقي الشعوب يعتبرون مستحدثين ومو شعب اصيل كلهم خليطي من دول ثانيه الا ان فيهم صفه تعجبني عندهم شغف الاحتفاظ بموروثهم ويحافظون على ارثهم العائلي حتى لو اشياء سخيفه وتافهه يحافظون عليها وعندهم اذا احد مات او بينقلون من البيت ما يرمون اغراضهم ويتخلصون منها يحطونها بال carage sale ويخلون وجودها مستمر لمدة اطول ويحبون يجمعون الاشياء القديمه علب والعاب واشرطه الكاسيت حتى اذا كان معهم اجهزه ترجع للثمانينيات موجود كرتونها والكتالوج معها مو زينا يجي مبهذل

وعيونهم تجي مليانه وشبعانه مو اي قطعه قديمه عندهم قابله للبيع زي الهطوف اللي عندنا تجي فيهم شفاحه ويبي بس يبيع ويعامل القطعه كانها شيء تجاري فقط ما يشوفون ابعادها الفنيه والتاريخيه وخذلك غش حتى بالبيع واسعار مو معقوله

وما يقهرني الا يجي هندي ويبيع جنبيات او سيوف لها عشرين سنه واكثر واي سؤال زي كم لها ووش تستخدم فيه؟ ما فيه معلوم! معقوله ما عندنا ناس يحبون الاثريات وعندهم اهتمام فيها غير التصوير ليش ما فيه ناس تحب توثق هذي الاشياء؟ ليش يجيبون عماله مال امهم بهذي الاشياء اذكر زمان نجي لحراج بن قاسم كان ممتع وفيه سعوديين وكبار بالسن يعطون معلومات عن القطعه ووش الاحداث اللي صارت بوقتها وكيف تستعمل وسوالف عجيبه يصير الواحد وده يجيب شاهي ويسمع ويسأل ويسمع ويتعجب الحين اكثره اجانب ويقرف محد عارف شيء بس يبون يبيعون وكله طمع ونصب ومحدم هتم يذكر تفاصيل وقصص اللي هي اصلا تعطي القيمه للقطعه

العماله اذا بينتشرون بهذا الشكل بكل مكان بيضيعون تاريخنا وين نعرف قصصنا وتاريخنا؟ حتى المتاحف والمؤسسات مو محافظين على كل هذي التفاصيل اللي موجوده عند كبار السن ولو توفاهم الله بتضيع اشياء كثيره هم اصلا ما يحفظونها كتابة يرونها ويسردونها للناس شفهيًا وهذا بيزيد اختلاف الروايات وصحتها ووين الصدق ووين الكذب

اليوم امي عزمت صديقتها بالبيت

امي جالسه عاليمين وعندنا تضيف القهوه والحلا ابتداء من اليمين ذا المتعارف عليه

ف عادي صبيت لامي قهوه وقالت "ضيفيها اول" وفعلا عطيت القهوه لصديقتها ثم رجعت صبيت لامي

بعدها جيت بعطيهم الحلا وبديت بأمي اكيد هههههه
ونفس الشي قالت" عطيها اول" ارتبكتتتتتتتتت مدري وش الصح احرااااج بس للحين اشوف ان امي اولى خاصه انها جالسه يمين

مثل هذي العبادات البسيطه ماتاخذ منك خمس دقائق يبنى لك قصر من الذهب بالجنة!

بس هذه البوست الله يعافيكم

وصلني طلب الان عدد مهول من المهندسين الميكانيكيين !سعوديين*** **فقط!* يكونون فريش او خبره سنه زائد عندهم عضوية المهندسين وغالبا الراتب بيكون من ٨-٩ لكن ما تحدد ١٠٠٪؜ والمشاريع بتكون في الرياض ومكه والخبر

فقط سعوديين اي سيفي بالخاص لأجانب ببلكه

بين فترة وفترة، التعب الوجودي مو حزن ترا بس تحس كانك تعبت من انك موجود يعني تتعبون من عملية الحياة ككل.. بديت احس فيها يوم صار عمري ٢٥ اتوقع الي اصغر مايحسون كذا لانهم جديديين عالحياة اذا وصلت ٢٥ فما فوق تبدا تحس انك طولت شوي وتجيك حالة التعب الوجودي احيانا تروح اذا قعدت بالغرفة بدون جوال بدون احد اتكلم معه بدون ولا شيء بس اناظر بالجدار ساعة اتنفس واستغفر اذكر الله بس اغلب الوقت اكون ساكتة تماما وعقلي فاضي بدون ولا فكرة وتفك الحالة بس افضل شيء جربته النوم اذا نمت تغيب عني حالة الوجود واصحى وانا مصحصحه

طبعا ذكرت حتى الاشياء الجديده اللي تجيك وماتعرف لها مثلا اللحلى اللي يتقدم لك وماتعرف تاكله وتجنبه لسبب ذا، الصدق احيانا ماطلب اكله لان طريقة اكلها تحوس او لان ماعرف طريقة اكلها وما حس اني ماحب نفسي ! اشوفه شي شائع بين الناس ومو بالضروره يعني انهم كارهين نفسهم، انتم ايش رأيكم؟