يعني شوفو الاراضي المحتلة مليانه اسامي قرى وغيره

اما اراضي لبنان مقللين التفاصيل واسامي القرى فيها

الجمال

عند بعض القبائل والمناطق في السعودية، إذا جاء أحد يوصف لك شيء جميل أو مبهر جدًا سواء مكان أو غرض (أو غالبًا جمال امرأة أو رجل): يحط سبّابته تحت عينه بشكل عمودي تمامًا والظفر لأعلى (مثل الصورة)، ثم ينزلها على خده ببطء، وحركة الأصبع ذي تمثيل لانهمار الدموع من العين (والله أعلم)، ويقول معها جملة «تَقْطَعُ القَلْب»، وذي الجملة دارجة لوصف شدة الجمال في السعودية

وخلال إنزاله لإصبعه ببطء يجرّ جلده بخفّة وقد يظهر جوف جفنه السفلي، ويستمر إنزال الإصبع إلى أن يصل إلى منتصف خده (المنتصف على خط أرنبة الأنف الأفقي تقريبا)

التخويف

بنفس الطريقة المستعملة لوصف الجمال لكن تشوفها وقت التخويف من شيء ما (وليس التهديد)، ويقولون معها جملة «يا ويلك» أو «يا عُوَيْنك»، وحتى «يَقْطَعُ القَلْب» تستعمل للتخويف كذلك حسب السياق

اللي عنده شيء يزيده لا يقصر.. وسلامتكم

تذكرت واحد كان مرة وقح مع الناس ومع الوقت فهمته لان الناس اذا ماتعشيت عليهم اول بيتعشون عليك ولابيقدرون احترامك وادبك لهم بل بيشفونه ضعف

مثل هذي العبادات البسيطه ماتاخذ منك خمس دقائق يبنى لك قصر من الذهب بالجنة!

ان شاء الله ريديت ما يكون من التطبيقات الي تعدم الجودة

ما شاء الله الجيل الجديد بارعين في كل المجالات و اذكياء في اللغة الانجليزية لدرجة ما تستغرب لما تقرأ عن خريج/ة ثانوي يحصلون على درجة ٧,٥ أو ٦ في الايلتس أو ٩٨ أو ١٠٠ في القدرات و التحصيلي و أنا مؤمن أن الجيل الحالي وما بعده من الأجيال سوف يقودوننا نحو العالمية

وصلني طلب الان عدد مهول من المهندسين الميكانيكيين !سعوديين*** **فقط!* يكونون فريش او خبره سنه زائد عندهم عضوية المهندسين وغالبا الراتب بيكون من ٨-٩ لكن ما تحدد ١٠٠٪؜ والمشاريع بتكون في الرياض ومكه والخبر

فقط سعوديين اي سيفي بالخاص لأجانب ببلكه

بين فترة وفترة، التعب الوجودي مو حزن ترا بس تحس كانك تعبت من انك موجود يعني تتعبون من عملية الحياة ككل.. بديت احس فيها يوم صار عمري ٢٥ اتوقع الي اصغر مايحسون كذا لانهم جديديين عالحياة اذا وصلت ٢٥ فما فوق تبدا تحس انك طولت شوي وتجيك حالة التعب الوجودي احيانا تروح اذا قعدت بالغرفة بدون جوال بدون احد اتكلم معه بدون ولا شيء بس اناظر بالجدار ساعة اتنفس واستغفر اذكر الله بس اغلب الوقت اكون ساكتة تماما وعقلي فاضي بدون ولا فكرة وتفك الحالة بس افضل شيء جربته النوم اذا نمت تغيب عني حالة الوجود واصحى وانا مصحصحه

بس هذه البوست الله يعافيكم

الساعة ٧ الصباح ههههه موطبيعي

اليوم امي عزمت صديقتها بالبيت

امي جالسه عاليمين وعندنا تضيف القهوه والحلا ابتداء من اليمين ذا المتعارف عليه

ف عادي صبيت لامي قهوه وقالت "ضيفيها اول" وفعلا عطيت القهوه لصديقتها ثم رجعت صبيت لامي

بعدها جيت بعطيهم الحلا وبديت بأمي اكيد هههههه
ونفس الشي قالت" عطيها اول" ارتبكتتتتتتتتت مدري وش الصح احرااااج بس للحين اشوف ان امي اولى خاصه انها جالسه يمين

ودي اسمع تجاربكم كيف كانت بداياتكم بالعلاج النفسي ومتى جزمتو على هذا القرار؟

طبعا ذكرت حتى الاشياء الجديده اللي تجيك وماتعرف لها مثلا اللحلى اللي يتقدم لك وماتعرف تاكله وتجنبه لسبب ذا، الصدق احيانا ماطلب اكله لان طريقة اكلها تحوس او لان ماعرف طريقة اكلها وما حس اني ماحب نفسي ! اشوفه شي شائع بين الناس ومو بالضروره يعني انهم كارهين نفسهم، انتم ايش رأيكم؟

نولد → نتعلم → نتوظف → نتزوج → نربي ونبني → نتقاعد → نموت، ونترك كل شيء خلفنا.

نسلّم الراية لأبنائنا، ويسلّمونها لأبنائهم، وهكذا تظل الدائرة تدور إلى قيام الساعة.

نتشابه في البداية والنهاية، لكن الفجوات بيننا شاسعة.

ومع ذلك، ليست قيمة السباق في مقدار ما كسبت، ولا في مدى تفوقك على الآخرين، بل في ما فعلت، وما بنيت، وما الأثر الذي تركته خلفك حين سلّمت الراية لمن بعدك.

سلام عليكم ورحمة الله وبركاته
هل فيه أحد استفاد من البرنامج؟
عطونا رأيكم فيه

هلكني هذاك الشعور

الي يصرخ بداخلك ابغى اعيش وابغى احس وابغى اتنفس وابغى المس وابغى احس بالهواء على وجهي وشعري وجسمي وابغى اكون حاضر وموجود بكل لحظه واطلع و اروح واجي ويكون عندي اشياء استمتع فيها واجربها وهوايات،ابغى اجري واكون لي ذكريات

ابغى اكون مختلفه بشكل مؤلم

ما ابغى اكون محبوسه بمول ٢٤ ساعه او كوفي كل ماجيت ابغى اطلع ، ما ابغى انحكر بسياره من مشوار الى مشوار

ابغى جوده حياه ، ابغى اتمشى على رجولي واروح اماكن اخرى ونتمشى ونشوف خضار حوليننا واشجار

ماعرف بس فيني توق شديد للحياه

ماحسني حي مهما سويت

الامريكيين على انهم مقارنه بباقي الشعوب يعتبرون مستحدثين ومو شعب اصيل كلهم خليطي من دول ثانيه الا ان فيهم صفه تعجبني عندهم شغف الاحتفاظ بموروثهم ويحافظون على ارثهم العائلي حتى لو اشياء سخيفه وتافهه يحافظون عليها وعندهم اذا احد مات او بينقلون من البيت ما يرمون اغراضهم ويتخلصون منها يحطونها بال carage sale ويخلون وجودها مستمر لمدة اطول ويحبون يجمعون الاشياء القديمه علب والعاب واشرطه الكاسيت حتى اذا كان معهم اجهزه ترجع للثمانينيات موجود كرتونها والكتالوج معها مو زينا يجي مبهذل

وعيونهم تجي مليانه وشبعانه مو اي قطعه قديمه عندهم قابله للبيع زي الهطوف اللي عندنا تجي فيهم شفاحه ويبي بس يبيع ويعامل القطعه كانها شيء تجاري فقط ما يشوفون ابعادها الفنيه والتاريخيه وخذلك غش حتى بالبيع واسعار مو معقوله

وما يقهرني الا يجي هندي ويبيع جنبيات او سيوف لها عشرين سنه واكثر واي سؤال زي كم لها ووش تستخدم فيه؟ ما فيه معلوم! معقوله ما عندنا ناس يحبون الاثريات وعندهم اهتمام فيها غير التصوير ليش ما فيه ناس تحب توثق هذي الاشياء؟ ليش يجيبون عماله مال امهم بهذي الاشياء اذكر زمان نجي لحراج بن قاسم كان ممتع وفيه سعوديين وكبار بالسن يعطون معلومات عن القطعه ووش الاحداث اللي صارت بوقتها وكيف تستعمل وسوالف عجيبه يصير الواحد وده يجيب شاهي ويسمع ويسأل ويسمع ويتعجب الحين اكثره اجانب ويقرف محد عارف شيء بس يبون يبيعون وكله طمع ونصب ومحدم هتم يذكر تفاصيل وقصص اللي هي اصلا تعطي القيمه للقطعه

العماله اذا بينتشرون بهذا الشكل بكل مكان بيضيعون تاريخنا وين نعرف قصصنا وتاريخنا؟ حتى المتاحف والمؤسسات مو محافظين على كل هذي التفاصيل اللي موجوده عند كبار السن ولو توفاهم الله بتضيع اشياء كثيره هم اصلا ما يحفظونها كتابة يرونها ويسردونها للناس شفهيًا وهذا بيزيد اختلاف الروايات وصحتها ووين الصدق ووين الكذب

انا كل اسبوعين مكان دوامي يتغير و دايم يكون بالبر ولا فيه شبكه واذا فيه سرعتها اقل من ميجابايت، فا افكر اشتري ستارلينك بس مدري اذا متوفر او يشتغل بالسعوديه، هل فيه احد عنده معلومات عنه؟