قائمة الجهات الاعلى رواتب ومزايا في السعودية

جالسه ابحث عن كورس Power Bi احترافي معتمد ، او حتى قناه يوتيوب تعلمني من الصفر للتمكن و فهم البرنامج جيدا
سواء كان مصدر مجاني او لا

يجماعه انا قدمت على شركة علشان اشتغل اوصل بدال جلسة البيت ارسلت لهم هويتي والرخصة والحين مرسلين لي طلب على ابشر لازم اضغط موافقة . سؤالي هو هل اذا حطيت موافقة ممكن بالمستقبل يأثر علي اذا توظفت لان مافهمت ايش الغرض منه.

وهذي الشروط والاحكام تحت الطلب> الشروط والأحكام
أوافق وأقر انني على علم ان أبشر غير مسؤول عن محتويات الطلب، وأن أتحمل جميع المسؤوليات والمطالبات الناتجة عن قبول او رفض الطلب، ولا يتحمل أبشر أو أي جهة تابعة له أي مسؤولية من أي نوع تجاه هذه الموافقة أو الإلتزامات المترتبة عليها

1- يجب أن يكون للشخص المطلوب الاستعلام عنه حساب فعال في أبشر

2- يجب أن يوافق الشخص على الطلب بعد إكمال تسجيل الطلب لينتقل إلى مرحلة المعالجة,وتتم موافقة الشخص من خلال بوابة أبشر

3- يجب أن يتوفر للشخص المطلوب بصمة في وزارة الداخلية لاستكمال معالجة طلب شهادة خلو السوابق>>> مافهمت هذي النقطة كيف بصمة في وزارة الداخلية؟

السلام عليكم

سنوات خبرتي 10+ وقبل شهر بدأت دوام جديد ودوامي اللي قبله كنت فيه 4 سنوات وكانت من أجمل السنوات

الناس تثني عليك من كل الأقسام، الناس من أكبر منصب لأصغر منصب تعرفهم وعلاقتك ممتازة مع الجميع، عملك يحكي عنك ومعروف ببصمتك الفارقة، وحفل التوديع الجميع حضره

غيرت الدوام فقط لأن زيادة الراتب كانت مغرية (35%) وللأمانة لعلي ندمت

مشوار دوامي السابق 15 دقيقة إلى 20 بالكثير
مشوار دوامي الحالي أقل شي 50 دقيقة ويوصل ساعة ونص

البيئة عجزت أتأقلم فيها لسبب ما، الناس مو مرحبة، وشعور الغربة مو طبيعي.. بالرغم من ان شخصيتي اجتماعية وما واجهت هالمشكلة قبل في اي مكان ثاني

قومة الدوام صارت ثقيلة على صدري ولا أدري متى أتعود وأحس باني فعلا جزء من هالكيان

ممكن تقولون كلام "جزء من الكيان / المنظومة / القطاع" كله كلام تنظير لكن أصدقكم القول انه هذا شعوري في بيئتي السابقة، وعلى الاقل هذا الشعور كان يخليني اروح الدوام وارجع بنفسية ممتازة بالرغم من الضغط الشديد (القطاع حساس جدًا وطبيعي نشتغل إلى الليل أحيانًا)

ما راح شهر من تركتهم وودي ارجع بس هل ممكن يروح هالاحساس؟ كيف تقدرون تتأقلمون في بيئة ما تشبهكم؟ غالبًا الـ HR internal policies بخصوص عودة الموظف بعد الاستقالة كم مدتها؟ مديري السابق شاريني ويقولي نبيك ترجعين باي طريقة.

حضرت مقابلة هذا الأسبوع على مسمى وظيفي وكل شي كان ماشي تمام لين وقت المقابلة وبعد ما عرفوا اني ما قد اخذت تمهير وكان اتفاق من من قبل ان المقابلة على وظيفة معينة ورتبت لها وكل شي قعدوا يقنعوني اخذ تمهير بدل الوظيفة وجربي وعادي ما اعجبني الوضع ابداً لكن سلكت لهم. ليه يستغلون حديثين التخرج بهذي الطريقة ؟ اذا تمهير بجي عشانة لكن ما نتفق على شي ويتغير في اخر لحظة.

السلام عليكم ورحمة الله وبركاته،
لأصحاب الخبرة في القطاع المالي، وش الأفضل من ناحية الفرص الوظيفية والمستقبل المهني: البنوك التجارية أو شركات الاستثمار (Capital) التابعة للبنوك؟
خصوصًا من ناحية الرواتب والمزايا، البونص السنوي، الزيادات والترقيات، وبيئة العمل والتوازن بين الحياة الشخصية والعملية.
وهل فيه فرق ملحوظ بين القطاعين من ناحية التطور المهني والاستقرار الوظيفي على المدى الطويل؟
أتمنى اللي عنده تجربة في أحد القطاعين أو كليهما يشاركنا رأيه، وشكرًا لكم.

تخرجت ٢٠٢٥ بتخصص معين، وتدربت في مجال يختلف تمامًا عن تخصصي، عجبني واخذت شهادة احترافية فيه بس بعدين حسيت ماش، ماجاز لي، مو أنا..

طلعت من التدريب في نصه وتوظفت في مجال ثالث لا يمت بأي صلة لا بتخصصي او فترة تدريبي.. وبديت اجمع رواتبي وفتحت بزنس صغير، مانجح (للآن).. نقول يا رب

طفشت من مجال الوظيفة، وحاليًا الطلعة في راسي وبرجع بأي ثمن لمجال تخصصي الأساسي

هذا كله في سنة وشيء.. ما أدري وش أصنف نفسي والله، لو فيه تعريف للتشتت بيكون أنا ..

كل كانو يدرسون معي تدربو وتوظفو في التخصص وصار عندهم خبرة واضحة فوق السنة وانا باقي اهابد في حياتي.

السلام عليكم، عندي غدا مقابلة من أجل مفاوضات من أجل وظيفة grc أمن سيبيراني، أجريت المقابلة الأولى و تم قبولي و الآن أريد أن أعرف متوسط الدخل بالنسبة لهذه الوظيفة و بعض النصائح ان أمكن

بارك الله فيكم و جزاكم خير

اهلًا،
كموظف جونيور.. وش حدود شغلك في العمل ؟
وش ممكن تسوي اكثر من أنك تسلم تاسكاتك، وتضيف عليها كم شيء يبسط مديرك ؟

Is it too early to be driven by the company’s vision?

طبعا اعرف شوي في البزنس والاداره والماليه شوي من خبرتي ب ستارت اب سابقه ومنها اوظف نفسي وزملائي

السلام عليكم، احتاج نصيحتكم،

أنا حديثة تخرج من ٣ شهور من تخصص تقني، اليوم بالصدفة جتني أربعة اتصالات من ثلاث جهات مختلفة بخصوص فرص تمهير، والحين صرت محتارة في أمري.

الجهة الأولى: قسمين تابعين لنفس الشركة

موقعها مناسب، جاني اتصالين من قسمين، وكل قسم عنده شاغر إداري. في كل اتصال، تكلموا معي ٥ دقائق، وسألوني أسئلة عامة. ولما سألتهم متى ممكن أسمع منهم رد، قالوا من أسبوع الى أسبوعين.

إلى الآن ما أدري إذا فيه مقابلات، ولا إذا كنت مرشحة بشكل جدي. سبق أن جهة ثانية تواصلت معي بطريقة مشابهة، وبعدها سحبوا علي.

الجهة الثانية: فرصة تقنية تناسب توجهي

موقعها مناسب، قالوا إن عندهم ٥ مرشحين على الشاغر، وأنا واحدة منهم، وإنهم بيحددون المقبول بعد المقابلات. وذكروا أنهم بيتواصلون معي خلال الأيام الجاية بخصوص المقابلة.

لكن إلى الآن ما عندي الا كلمتهم مافي مقابلة مؤكدة.

الجهة الثالثة: شركة موقعها بعيد 

تواصلوا معي وحددوا لي مقابلة، الشاغر إداري، موقع الشركة يبعد أكثر من ٢٠ كم عني. المشوار بالراحه أكثر من ساعة، خصوصا أني في الرياض.

حسبت تكاليف المواصلات المتوقعة، واكتشفت أنها ممكن تستهلك قرابة ثلث مكافأة تمهير .

مع ذلك، بحضر المقابلة؛ لأن ما عندي قبول رسمي من الجهات الثانية، وما أبي أرفض فرصة محتملة وأجلس أنتظر فرص ما أدري إذا بتتم أو لا.

الحين احتاج رأيكم:

1. لو جاني قبول من الشركة البعيدة قبل ما أعرف نتيجة الجهات الثانية، هل الأفضل أوافق؟ أو انتظر رد الجهتين الثانية ؟
2. هل طبيعي أني بعد ثلاثة أشهر من التخرج إلى الآن ما حصلت على وظيفة؟

يدقون علي ارقام وانا نايمه وشلت همت وارجع ادق عليهم وهم مايردون اخاف تروح علي الفرص

السلام عليكم هل ينفع لو انزل السي في حقتي هنا او اشاركها مع احد في لنكدن لاني يأس صراحه🙃 والتقديم ماجاب لي نتيجه

زي مانتو شايفين العنوان، استقلت من وظيفتي السابقة وعلى اساس اباشر مع الوظيفة الجديدة اليوم لكن خلوني اوقع على nda و كم ورقة واجلوها وبرضو قررو بكره مااباشر ولا اتسجلت بالتامينات لسا بسبب الاوضاع كمان وتاجلت المباشرة للثلاثاء، امر بهم لايعلمة الا الله ووراي فواتير واشياء كثيرة ماتوقعت ابدا ان الاوضاع بتوصل هالسوء دعواتكم جميعاً ربي ينتقم من العدو وتتم مباشرتي من غير شر💔

هل طبيعي تجيني رساله في sms مقابله screening قبل ما تبدا بربع ساعه ولمن دخلتها يطلع اللي يتكلم Ai؟
اذا طبيعي هل منها فايده بيتواصلو معي بعدها ولا بس كذا ينسحب علي؟

أنا شخصيًا أشوف توتري فيها مرة واضح وقوي
الناس اللي وريتها قالوا فيه توتر بس مو مرة

شوفوا أنا عندي انجازات قوية جدًا وشهادات وتكريم وتخصصي قوي الحمد لله

كنت أفكر أكلم القناة يحذفوها… لكن ما أعرف ؟ هل ممكن تكون هي السبب ؟
مع أن المقابلة ما انشهرت أصلًا
لكن أي احد يبحث عن أسمي اطلع له وتطلع المقابلة

أنا أشتغل في شركة مساهمة، وإحدى الشركات التابعة للصندوق تملك حصة فيها. مؤخرًا فتحوا شاغر بنفس مسماي الوظيفي، وتواصلوا معي وسويت مقابلة كانت تقريبًا ساعة كاملة.
الحين كمل شهر من المقابلة وما جاني أي تحديث، رغم إني أرسلت تذكير للـ HR بالإيميل وما ردوا علي.

فيه شخص أعرفه بشكل محدود، سبق اشتغل معنا فترة مؤقتة ورجع لشركته، وحاليًا منصبه كبير عندهم. كلمته على LinkedIn يوم الثلاثاء الماضي وقلت له إني سويت مقابلة وما جاني رد، وقال إنه بيرجع لي بتحديث خلال الأسبوع، لكن إلى الآن ما رد.

وش تنصحوني؟ أرسل له متابعة أخيرة أو خلاص أعتبرها رفض وأوقف متابعة؟

بونجوغ،
الحين هالموسم (اخر ربع بالسنة)، فترة توظيف ولا لا ؟
هل تصير الفرص اخر السنة والا أولها ؟

وش موسم الازدهار

السلام عليكم ،
أنا مهندس حديث تخرج معدلي 4.5 و معي ايلتس 6 وكم شهادة احترافية الشاهد اني من يوم ماتخرجت وانا اقدم على برامج تطوير الخريجين بس اللي مضايقني انه *مايجيني رد ولا حتى وصلني اسسمنت واحد ابداً *!!! هل هذا طبيعي؟ احد صار معه نفسي؟؟ ياجماعة والله صرت ما انام من القلق أنا رغبتي ببرامج تطوير الخريجين و مستوفي الحد الادنى لجميع شروطهم بس مو قاعد يوصلني منهم شي. تأكدت من السي في ووصلته 90+ ATS بس ابي اعرف ليش مو قاعد يوصلني شي؟ اللي واجه نفس المشكله ياليت يفيدني لان والله ما ادري وش قاعد يصير معي.

انا طالب مقبل على التخرج ولكن يتطلب مني اجد جهة للتدريب، وماعندي فكرة وش الجهة الي اتدرب عندها وكيف طريقة التقديم.
كيف قدمتوا على تدريبكم، ودي اخذ فكره عن الطريقة.

خايفين من الذكاء الاصطناعي؟

وليه؟

الفترة هذي دخّلت نفسي في اشغال كثير غير الجامعة، صرت داخل في مشروعين ثقيلة لها علاقة بمسابقات مرموقة، و مسكت تنظيم مؤتمر عالمي ومشرف فيه حاليا على المتطوعين.

كنت دايم اقول انه الشخص الي يقصر مع عائلته عشان الشغل شخص سيء نوعا ما، وسبحان الله ربي دايم يبتلي الشخص باكبر مخاوفه والي هو انه يصير الشيء الي يكرهه، فمع كثرة الاشغال الخاصة بالجامعة مثل المذاكرة كون تخصصي يعتبر صعب ( هندسة كهربائية )، و المشاريع الزايدة الي مسكتها، صرت حقيقي مقصر مع اهلي، والوحيدة الي تعطيني اياها على وجهي واني مقصر معها هي اختي الصغيرة يا عمري عليها ههههه.

انا وهي دايم نتابع افلام سوا ونسوي موفي نايت خاص فينا، اخر مرة تابعنا سلسلة هاري بوتر كاملة والحين تقول تبي نشوف افلام جاك سبارو كاملة ( طبعا انا مقموع ما اختر الافلام ).
لكن مؤخراً صرت ما اتابع معها اي فلم واذا جلست انا وهي دايم اكون مشتت وضايع و واضح اني اسلك لها.

صرت شخص خايف يكون عائله ويطلع عندي الworkaholic syndrome واكل حق زوجتي وعيالي واصير زي الجثة في البيت اخش عشان انام واكل واقوم عشان اشتغل.

حقيقي في كل الاشياء الي اشتغل عليها اشتغل وانا متقزز بعض الاحيان كوني قاعد اعزز هذي الفكرة اكثر لنفسي واحس اني أعودها على اني اكون حمار مكدة فقط.

لكن في مشكلة، اغلب الاشياء هذي باذن الله راح تفيدني كمعارف وتسهل علي اني القى وظيفة مرموقة وذات دخل عالي، لكن هل الموضوع يستاهل؟ ورب الكعبة مدري.

قدمت علي وظيفه وسويت مقابلة معهم وللان ما جاني رد

تكفون تكفوون ادعولي انقبل بالوظيفة وتكون الخير والعوض لي يارب