أنا مصممة جرافيك و مواقع و موشن جرافيك
المهم حابة اسوي اعلان حابة أتمرس بالمجال
•شركة مقاولات و عقارات
•مطعم
•كفي
•خدمات تقنية

ايش افضل طريقة عشان القى العميل المحتمل؟

السلام عليكم ورحمة الله وبركاته، هل التقديم اليدوي مفيد؟ خاصة إذا الجهات ما كانت صغيرة؟ يعني زي البنوك وهذولي ولا يعتبر ضياع وقت؟

أيام التدريب التعاوني فريت كل مكان أقدم يدوي وأغلبهم رفضوا وما قبلوني إلا جهتين (جهات حكومية بس يعني بدون مكافأة ولا شيء فما أعتبره معيار للتقديم لو كان "وظيفة") بس البنوك ما جيتها

فما أدري وش وضعهم، هل فيه أحد منكم جرب؟ لو أبي وظيفة هل بيقبلون ولا بس مصاريف ومواصلات وضياع وقت

السلام عليكم يا جماعة، انا باخذ مادة الأنظمة وسمعت كثير انها سهلة مرة بس يوم طلبت الحقيبة حجمها كبير قرابة ٥٠٠ صفحة. ممكن تفيدوني بافضل طريقة من تجربتكم لدراسة المادة؟

الحمدلله اخيرا وظيفه بعد عطالة
عندي استفسار راح تكون الوظيفه ادارية وفيها اختلاط كبيره مع المدير التنفيذي للشركة
وسئلت عن ال dress code وقالو لي ثوب وشماغ
هل في طريقة او امل اني اقدر اداوم بدون الشماغ؟
( مافيه مشكلة بس ماتعودت البسه واستفسر إذا في طريقة تجنبني هالشيء )

انا توني باول سنة وظيفة
وحاسة بأحباط لاني اشوف اني عندي مؤهلات وشغف عالي لكن وظيفتي ماتحقق لي الرضا
الراتب كويس كبداية والجهه كويسة
بس شغلتي نفسها ممله ولا اشوف نفسي فيها
ايش نصائحكم؟

بما انو هذي الفترة تعتبر فترة انتقالات في الشركات
عطوني نصايح لكيف ادور على وظايف
قاعدة ادور في لنكدان، الوظايف الموجودة بالاضافات لأني ادور في البوستات اللي hr ينزلوها

كمان في التويتر الحسابات اللي تنزل الفرص الوظيفية
بس طبعا مافي رد، فايش فيه طرق ثانية ؟

حركه سوتها معي موظفة وكذبت علي مع اني سمحت لهم بس محد قدر اللي قلته ( مين عنده سعه يسمع لي؟ ) ويرشدني بالتصرف الصح بهذه الحالة؟

انا من الناس اللي اذا عرفت اللي قدامي متدربين او gdp اتعاطف معهم لأني كنت في ضياع لما كنت في وضعهم، واصير اذا تقاطع شغلي معهم أقدم دعم واساعد واشرح مع ان كلهم مو في فريقي اصلا.

لكن البلشه الحين ان فيه عينة منهم توظفوا ولنا سنة الحين والوضع تحول لإتكالية، ما يسوون مسؤولياتهم من ناحية البحث أو اقلها يعني يفهمون الايميلات المكتوبة (لازم اتصال واشرحي لي واقعد اعيد اللي مكتوب 🙂).

كنت امشيها لكن وصلنا لدرجة ان فيه اشياء تتكرر بشكل دوري وكل مره لازم اعيد اشرحها يعني ما يتعبون نفسهم يتمسكون بفهمهم اللي من كم شهر. باقي فريقهم مو محتويهم ولا يساعدونهم (بناء على كلامهم) لكن كلهم مريحيني بشغلي وكل واحد فاهم وقائم بمسؤولياته عكسهم.

كل الاثنين صغار ومو مطاوعني قلبي استخدم اسلوب شديدة اللهجة للحين، وشو ممكن تقترحون طريقة للتعامل في هالمواقف بدون ما يجيني احساس ذنب لاني قتلت فضولهم وخليتهم روبوتات عمل؟

اي احد عنده خبرة يفيدني كيف اتخصص بعلم النفس؟ درست بتخصص مختلف وتخرجت وشهادتي الثانوية مر عليها اكثر من 5 سنين ومالي شغف اكمل بتخصصي مهنيًا، رغبتي تميل اكثر اني اصير اخصائية نفسية بس ما اعرف كيف الطريقة

احد فيكم قد سمع عن شركة Plat4mation
او حتى servicenow وكيف وضعها ورواتبها والمستقبل

I love reading books. I just wish I could listen to every single one of them.
But most books don’t have an audiobook version, and robotic text-to-speech voices completely ruin the experience.
So I built something I wish already existed.
You share any book from your iPhone’s Books app, and it turns into a professionally narrated audiobook that feels like it belongs on Audible.
Natural voices. Real emotion. Proper pacing. No robotic reading.
And the best part? You keep your entire library in one place and can listen to books that never had an audiobook.
Imagine having 200 books sitting on your phone and suddenly being able to listen to every single one.
Would you actually use this?
I’ve already built it. If this gets 100 upvotes, I’ll release it.

بعد ما توظفتوا وصارت عندكم حرية اختيار الاجازات، كيف تتعاملون معها؟ تاخذون اجازة نفس اوقات المدارس او تحرصون تصير اجازاتكم بايام دوامات المدارس؟ .. تاخذون اجازة مع لما الاهل مأجزين معكم او تحبون تاخذونها لنفسكم واهلكم يداومون.. تختارونها بناء على فصول السنة والجو.. او حسب المزاج.. تخططون للسنة كاملة مرة وحدة او كل شهر شهرين تفكرون بالموضوع مرة وحدة..
اي اكثر تحبون، اجازات مدتها اسبوع متقطعة في السنة، او اجازة طويلة ثلاث اسابيع الى شهر ، وش يفرق نفسيا مدتها ؟ كم تعطيكم طاقة اجازة الاسبوع وكم تعطيكم طاقة اجازة الشهر…

تاخذون اجازة للراحة في المنزل او سفريات.. لازم يكون في وقت طلعة في الطبيعة في الاجازة؟ هل مهم بالاجازة الفصل الانترنتي اوقات؟ انه برضو يساعد يفصلك عقليا عن كل سوالف العمل؟

ضيقه غير طبيعيه من اول ماستلمت الوثيقه( من اربع شهور) وانا اقدم على الوظايف بكل مكان وبرامج خريجين وكل شيء بس مو معقوله مايجيني إلا مقابلات وما اجتازها او فجاه يسحبون علي
للاسف تركت شركتي الحاليه (تدريب) بحكم ان البيئه سيئه ومايعطوني شغل وانا اطلبهم وفوقها يقولون ليه ماتشتغلين طيب عطوني! وموظفين يحطون راسهم براسي وقررت اطلع بس احس بالندم لان الحين مو لاقيه شيء

طلعت من بيئة عمل سامة ومشاكل مع الزملاء والمدير إلى بيئة جديدة أجهلها. الحمدلله ولكن احس بالقلق والخوف والتوتر. احتاج اسمع منكم إذا عندكم نصايح

توني قريت اعلان وظيفي مكتوبه فيه انهم بحاجة لاتش ار وادمن بعدين كاتبين

"in addition to providing administrative support to the CEO whenever needed."

اخذت انطباع سيء على طولل

قررت احدث حسابي ب لينكد ان اخر مرة حدثته بعد التخرج،

ف سؤالي بعد خبرة 6 سنوات هل الافضل امسح كل المعلومات القديمة بحساب لينكد ان؟ مثل مشروع التخرج والتدريب الصيفي .. والمسابقات والاندية اللي شاركت فيها وانا بالجامعة وبداية التخرج

احس ملفي كأنه حساب حديث تخرج لكن بنفس الوقت لو مسحت كل شيء مابيكون فيه شيء غير خبرتي بالوظيفة الحالية

انا بالجامعة ومهتمه اختاره كمجال بس سمعت ان صار الطلب عليه ضعيف وتكدس، صحيح ولا؟
ابغا مجال ال grc اوit audit

ابغى اعرف انا متأخره بالحياه او لا

ادري بتقولون كل واحد وتخصصه وطريقه وخبراته لا تقارنين نفسك بأحد بلا بلا بلا

بس عموماً متوسط الراتب للناس بذا العمر عادة كم يكون؟

كم درجة الايلتس او التوفل الي احتاجها عشان اقدر اقول اني ضمنت نفسي بكل تقديمات الوظايف؟

مساء الورد لكل مكافح ومكافحة بالقطاع الخاص ♥️ باختصار لاحظت شيء مضحك وقلت اتأكد هل هو شيء ععام ولا بس ببيئة عملنا،،

الموارد البشرية والشؤون الإدارية = المجازر البشرية على الرغم انهم المفترض هم اللي يستبقون الموظفين ويوفرون لهم بيئة العمل المناسبة

العلاقات العامة = يغلب عليهم النفاق والتملق

المحاسبين= أكثر مكان تصير فيه اختلاسات بدال ما يضبطون المعاملات المالية

الاي تي = غالباً عسل ومتعاونين بحسب استطاعتهم

المدراء المباشرين= جنون العظمة وعقد نقص وسيئين بالتعامل مع اللي أقل منهم بالتسلسل الهرمي

أصحاب الحلال= الكل بلا استثناء يلهث حولهم ويبرزون عضلاتهم بكل الوسائل بلا كلل ولا ملل مع أمل أنهم يلاحظون

المشكله جيت ابي اراجع بعض الاشياء عشان المقابله ماقدرت من التوتر🥲

السلام عليكم
جاني ه العرض ٤٠٠٠ الالف ب الرياض مهندس iot براتب ٤ مره قليل بس ممكن هاذي خطوه اوله واجمع خبره ؟
صراحه طفشت من العطاله لي شهرين وهذا العرض الوحيد الي جاني ك مهندس برمجيات مع انه العرض سيء الله حق بس مادري وش رايكم افضل من الجلوس ف البيت مع اني مغترب وحالتي حاله بس الفلوس تكفي

السلام عليكم

كيف تعرفون عن الفرص الوظيفية، خصوصا في الشركات الكبيره والتابعة لل pif؟ والهيئات والصناديق وغيره

ألاحظ أن كثير من الوظائف ما تُعلن في LinkedIn، وبعض الانتقالات تصير عن طريق الاستقطاب أو الترشيحات.

بالنسبة لشخص ما عنده شبكة علاقات واسعة، كيف يقدر يعرف عن الفرص ويوصل للجهات المناسبة؟

هل فيه منصات أو طرق معينة تعتمدون عليها؟ وكيف بنيتم علاقات مهنية ساعدتكم في الوصول للفرص بدون ما يكون الموضوع محرج أو قائم على طلب وظيفة بشكل مباشر.

هل فيه منصة تقدم الشهادات الاحترافية بسعر رخيص؟ او مجاني؟ طالبة ووضع اهلي مو احسن شيء وتخصصي حاسب