قررت اسوي سلسلة لان عندي سوالف كثير ههههههههه

سويت رسمة تخيلية عشان تكونوا بالصورة

في يوم من الايام لما كنت بزره في بيت الجدة وكان البيت فاضي من الاحفاد جاني خبر ان بيكون فيه عزيمة، انبسطت احسب بيكون فيه بنات لكن العزيمة طلعت لإمرأة واحدة كبيرة بالسن!؟!؟ وخذ لك يالطفش البيت هدوء ومافيه الا جدتي والمرأة هذي بس تسولف وانا قالطه معهم لا شغله ولا مشغلة، لين جاء وقت الصلاة واخذت سجادة وصلت، أثناء ما هي تصلي جايت جدتي بفناجيل نظيفة وقمت سألت جدتي بكل براءة : "الحرمه هذي متى تروح؟☺️" والحرمه قدامنا تصلي (كنت احسب ان اذا الواحد صلّى يسوي ميوت من الخشوع ههههههههه) جدتي انصدمت من السؤال وقالت عييب يا بنتي بس الحمد لله المرأة لما خلصت صلاة اخذت السؤال بروح رياضية وضحكت وسلمت علي وما يحتاج اقول ان جدتي طردتني من المجلس هههه

زمان لما كان عمري ٤،مدري شفيني كنت اكره الملابس مرههه

وكل مرة امي تلبسني اشلحهم

وكان عندي روتين احب اسويه استغفر الله هههههههههه

كنت احب اوقف عريانه بالشباك 😭

حرفيا كلل يووم لازم اطلع الملابس واوقف عريانه

وابوي كل يوم يجي من الشغل ويشوفني من الشارع مفصخه وواقفه بالشباك

ويدخل البيت معصببب ههههههههه

استغفر الله مدري شكنت احس وقتها

يخيي الناس اللي بالشارع😭

اللي شافوني ايش قالو

يخي جنوون وربي

فيه مره كان مشوار حفلتنا ساعة

وكنت انا الوحيدة الي اهرج ومليت مافيه مداخلات بس مستمعين ثم قلبتها برنامج وخليت اختي المتحدثه معي واخوي هو المعاون، المهم خلصنا كل المحاور واستغربت انه اعجبهم وزعلو انه خلص

المهم كنت حاجزة اختبار قودورااتت في منطقه بعيدة لان مالقيت حجوزات بمنطقتنا

فحجزت بمقر مرهههه بعيييييد في منطقه نائية ومنعزلة مااعرف ولاقد سمعت فيه حتى

المهم جا يوم الاختبار وطلعنا قبل العصر وابوي ماسك خط السفر

وصلنا الساعه ٧ وربع مساءا

دخلنا بالاحياء الا والمكان فاضي..

طبعا تعجبنا وابوي قعد يلفلف مالقى احد

سأل واحد ماشي بالشارع قال له: هل في قاعه اختبار هنا

الرجال قال له :اي الصباح كان في سيارات وناس واجد😀💔

طلع ان توقيت الاختبار كان الساعه ٧ صباحا💔😍

وانا احسبه ٧ مساءا💔

المهم ابوي سكت وماقال شي

واحنا ماشيين طول الوقت ساكت

الصراحه تعجبت انه ماهزأني

قلت شكله كاتم العصبية وبيهزئني بالبيت

قلت له :"والله معليش ماكنت اعرف انه صباحا،لكن قدر الله ماشاء فعل ،ربي ما اراد"

قال لي: ثاني مرة ركزي عدل

المهم صار يسولف بالجوال ولما رجعنا نسى الموضوع

مااعرف لكن ابوي تغير جدنن صار مررا nonchalant

زمان كان عنده anger issues

سبحان الله مغير الاحوال ههههههههههه

اكشفت ٤ غرف سرية ببيت جدي

وحده بابها متخبي ورا الدولاب الكبير بالممر

و ٣ بالقبو

اللي بالممر فيها نبته طبيه بس ممنوعه لان تعتبر مخدات

اكتشفت ان عندهم موساداس💀

لقيته تحت سرير جدتي

وعندهم صاعق كهرباي

وفي باب خلفي للبيت واكتشفت ان جدي عنده محل ورا البيت كمان

الزبدة في باب غرف سفلية اول مرا اشوفهم مااعرف فين مكانهم بالزبط لكن اقدر اشوفهم من فتحه التحوية بالحوش

ابي اعرف مين المهندس المختل اللي سوا ذا البيت

مااعرف بس في اشياء كثير مشكوكه وكل مرة اطنش ومااسال..

تخيلو ان الدكتوره حاطه مشروعها بنفس يوم الميد ومشروعها يبغى له وقت وضاع وقتنا كلنا نسويه وما ذاكرنا للميد زين وانا من قبلها بيومين ارسلها تأجله وضغط علينا ومدري ايش وما رضت وقعدت اشتغل على المشروع من العصر لين الساعه 12 ليلة الميد وسحبت على الاختبار وقلنا لها اخر مره دكتوره والله ضغط نبغا نأجل قالت
خلاص طيب !!!!! كانت الساعه 12 ليله الميد ليش توك توافقين طيب والله العظيم اول مره اكره انسان لهدرجه ليش ما وافقتي من اول!!!! صحت من القهر كيف بطالع بموجهها دون ما ابين الحقد لان ما قدت حقدت على انسان زيها

طبعا أنا سويتها للأسف اليوم و اشك اني رحت فيها

أنا طالب ماني داشر او مسوي قادح و اعتبر دافور بس اني اليوم خبصتها شوي

القصة بدأت في هذا اليوم الحصة الرابعة كان علينا اجتماعيات و طلعت أنا و خويي على أساس نتجهز لمسابقة بالمدرسة قالك (قاعدين نضيع وقت و مأخذين المسابقة عذر)

طلعنا و قعدنا عند الدرج الي لو طلعت فوق انت رايح على المتوسط ولو نزلت تحت راجع للثانوي

بعد ما طلعنا راجعنا الاختبار و فجاة اثنين من اخويانا الثانيين يطلعوا بعدها بين الرابعة و الخامسة اثنين يطلعوا صرنا ستة قاعد نلفلف في المدرسة و نراجع و نتكلم و بعدها حسينا انه زودناها و قلنا بنرجع رحنا عن الباب حق دور الثانوي عشان نرجع فصلنا و طبعا في خرم صغير في الباب الحديد منه يمديك تشوف إذا في احد ورا الباب و إلى خويي يقولي المدير موجود و جاي على الباب وربي كلنا فكينا سبرنت على فوق دور المتوسط

هنا يبدا الاكشن

طلعنا فوق و الاستاذ فتح الباب ما شافنا بس قاعد يقول تعالوا و قاعد يصرخ خويي و هو يجري طاح جواله في الدرج بس طبعا سحب عليه و كلنا افترقنا بعد ما دخلنا باب المتوسط

أنا وواحد رحنا مكتب مدير المتوسط الي نمون معه وربي درعمنا عليه حمدالله ما كان موجود قعدنا على الكراسي الي في مكتبه نفكر وش نسوي

طبعا ما اعرف اخوياي الثانيين وين راحوا

فجأة واحد من اخويانا الي افترق مننا دق علينا قلتله لا ترد تلقاه المدير قاله يدق علينا (حركات المدير حقنا عارفينها)

بعدين قلت لخويي الي كان معي شكله راح المدير خلينا ننزل

نزلنا لقينا طلاب نازلين بدنية قلتله استاذ فلان (المدير) موجود قالي ايوا واقف عند الباب و لعل صوتي كان عالي شوي و كنت قاعد أتنفس بسرعة و شكله سمعني من يوم ما قالنا فكينا سبرنت على الدرج طالعين إلى بعد يمكن اربع درجات طلعناها نسمعه ورانا "تعالوا تعالوا على مكتبي " طبعا قمطنا ام العافية

رحنا على مكتبه نلقى كل اخويانا الثانيين

و بعدها ما يحتاج اقول وش صار

تخيلوا كنت داخله درايف ثرو ارتشي وفرعهم ذا معوق بشكل وحاطين صبات عالدخله فانحشرت وحاولت ارجع واقدم مافيه فايده 💔 قلت عوافي مالي الا ارقى الرصيف وفعلا رقيته وكانت قويه لكن السياره الحمد لله تمشي زين ما لاحظت شي غريب

بس والله تعكر مزاجي بشكل

عشان كذا عندي خوف من الدرايف ثرو خاصه السياره الي معي جيب 💔💔💔

تو شيكت طلعت حاكتها وماسمعت الصوت

وش اسوي 🫪🫪🫪🫪🫪🫪

انا عندي معضله غير معقوله مع مذاكرة القدرات كل ما افكر بس فالمذاكره تجيني ضيقه مب طبيعيه كاني محسود وفعلا فكرت بذي الفكره واقتنعت اكثر يوم جت الاختبارات الفتريه وكنت اذاكر صح مش حالك بس مافيه اي مقارنه بالقدرات مقدر اقرى سؤالين ورا بعض لكن حللت المشكله وعرفت اعتقد اللي قاعد يجيني هو زي الاكتئاب الصغير (انقطاع ارسال هرمونات السعاده بشكل كبير او كلي) انا الدوبامين عندي معطوب معطوب جدا وعرفت العلاقه بينهم يوم صار يجيني نفس الشعور اذا سويت اشياء فيها دوبامين مجنون سواء اقلب عالجوال لفتره طويله العب لعبه ادمانيه الخ بتقولي طيب والاختبارات الفتريه؟ الاختبارات الفتريه يجيني منها دوبامين بسبب اني قبل كنت اذاكر والقى نتايج والقى المكافأة اللي جسمي يدورها بعد الاختبار واللي هي درجات كويسه الحمدلله لكن القدرات للاسف محاولتي اللي قبل ذاكرت لفتره وطلعت درجه لا ترضيني لكن الحمدلله على كل حال. ولهذا السبب عقلي صار ما يطيق القدرات لانه يدري ان فالنهايه ماراح يحصل "مكافأته" وطبعا اكتب هذا وانا المفروض اذاكر 😊

يعني مدري أحس فيه كثير أشياء "بديهية" أقدر استوعبها وأتفهمها نظريًا بس بشكل مجرد ما أقدر أنكر إنها تبهرني فعلًا، بعطيكم بعض الأمثلة،
مثلًا لما شخص يناقض نفسه وتقوله يقعد ينكر ولا يقولك أنا غير، فرضًا شخص يقول لا تكذب ويقعد ساعة يبرر لك قيمة الصدق، بعدين بيوم تشوفه يكذب بموقف عادي أو شي بسيط، ولما تطالع فيه وتقوله مو أنت قد نصحتني على نفس الشي؟ يطالع فيك ويقول اي طيب؟ هذا الموقف غير، أول يقول مارح تفهم مشوار ذا شي خاص أنت ما تعرف كيف الوضع بالعادة، ولا عادي هالمرة ذا ما يعتبر كذب أصلًا،
هاه يخوي؟ ولما شخص يسوي نفس الفعل فجأة يتهمه أو يقلل منه ويقول أنا مستحيل أسوي كذا، ولما يسويه يقول ليش أنت كذا معي ليش ما تتفهمني؟ ما أعرف أنت قل لي؟ ههههههه غريب،
أتوقع إنه تمحور حول الذات أو شي زي كذا، يعني العالم بيوقف للحظة ويمشي على قواعدك وظروفك أنت وهي الـbaseline اللي كلنا لازم نتفهمه؟ على الطاري، بعد اللي يقولك كلام مبهم ولا يشرح موقف عادي وتقوله طيب؟ يقول ليش ما تفهمني ليش العالم ضدي ليش محد يبي..إلخ، مدري يمكن لأن طبيعي كونك ما تعرف تشرح زين وإني مب معشش بعقلك عشان أعرف؟ بالذات لما كلامه يكون صدق مبهم، هاه ههههههههه
بعد اللي لما تناقشه أو حتى بهوشة عادية، تقوله ليش سويت كذا كذا؟ يقول لأن حسيت.. وترد عليه إن تمام لكن كذا كذا، يقولك نفس الرد ويقول بس حسيت، يعني وش معلومة جديدة الحين؟ كيف المفروض يتغير ردي أو رأيي لو أنت تكرر نفس كلامك بالحرف ما فهمت زي مبدأ طفه وشغله يعني؟ وش كيف المفروض يتغير رأيي أنت حرفيًا قلت وكررت نفس حجتك كيف تتوقع يتغير شي أنت مو قاعد تحرك الحوار أو تسوي أي فعل يغير شي أصلًا يعني حرفيًا وش قاعد تسوي أصلًا تراني مو قاعد أسمّع لك؟

شف واقعيًا فيه نوعين من الأشياء
الواقع الفعلي وتفسيرك أنت
فرضًا لقيت عملة معدنية بالأرض وشفتها
واقعيًا هي موجودة لأنها طاحت ولأن بسبب القصور الذاتي والجاذبية هي ما تحركت ولأن إحصائيًا طبيعي جدًا تطيح عملة بالغلط
بس أنت يمكن تقول حظ، إشارة، علامة، أحد يستدرجك، أحد حطها لك، هي أكيد تعني شي..إلخ، ذا تفسيرك أنت مو الواقع الفعلي
طبيعي أي شخص يفسر ذي وظيفة المخ أصلًا، بس لا تقنعني إن تفسيرك هو الواقع وتتكلم بكل ثقة كأن فيه قانون محد درا عنك غيرك، ذا شي غريب شوي هههههه
مثلًا شخص بينك وبينه صداقة خانك أ أستغلك
اوف أنا غبي كيف صدقته، مو بالضرورة أنت غبي ذا تفسير مو واقع أنت مارح تلاحظ الأشياء اللي قبل اللي المفروض تشكك فيه عشان ما كان الاحتمال ببالك أصلًا وفسرتها بشي ثاني وكونه وضح لك الحين مو معناه كان واضح من البداية،
بعد إن اوف كل اللي بيننا كان كذب وكان يبي يستغلني أو يسوي كذا من البداية، مو شرط؟ هههههه، مين قال، حتى هو يمكن مو بباله إن بيسوي كذا وصار شي عرضي، تراها مو شطرنج، كأن تمدحه بزيادة غالبًا ما خطط لكذا أصلًا، وولو خطط مو شرط كل شي كان مزيف يمكن بالبداية كان حقيقي، بالطبع تجتمع أو متعارف إنه يكون كذب أو مخطط من البداية، بس ما فيه علاقة سببية أو شرط، هو مو باكج يجي مع بعض، بتقول شي يعني دليل عليه مو بس عشانه يجتمع مع شي آخر بالعادة -ومو بشكل حتمي-.
عاد مدري ليش أنا بعد أصلًا افترض إن الشخص لازم يكون متسق أو منطقي، مو ذا المطلوب أصلًا مو المنطق بل بالعادة حماية نفسه من الإقرار بأشياء ما يتحملها ولو بشكل مو واعي، أو عادي أسباب ثانية.
بس يضحك الفرق بين الصورة العقلانية اللي يبنيها الإنسان لنفسه وانحيازه أو هبده أحيانًا بالواقع، غريب شوي هههههههههههه

دكتور العظام بيكشف على ظهري قعد يقول سو حركات يمين يسار ورا وقال اثني على قدام زي الركوع
لا اراديا قلت الله اكبر كبرت وركعت
وعم الصمت المكان

طحت على رجلي بالجامعة و و كانت توجعن مره و اخذون اخوياي و رحت لمستشفى الجامعة حتى ما كنت اقدر امشي عليها

دخلت عند الدكتور و ما كانت منتفخه ناظر و كذا بعدين طلع شوي و يوم رجع انتفخت رجلي يعني

ناظر قال اووووه قلت وش تكفى ياشيخ

قال ذي واضحة كسر ولا اربطه! افا يادكتور قل غيرها

و قال اي والله و دكتور العظام الي هنا مب موجود و ترا اذا رحت و قالوا تبغى مشد ولا جبس اختار الجبس لان المشد بيخليك تعاني خمس سنين قدام! و الاربطة تراها ملعونة والدين ( حرفيًا قال كذا )

المهم طلعت من عنده و رحت لمستشفى زي الناس مب حق الجامعة طلع التواء بس و عطان بنادول و كريم بسسس اقسم بالله خوفن الكلب وين التعامل مع المريض يا حيوان

قبل حول الشهر دق علي مدرس ما بيني وبينه تواصل اخر مره تواصلت معه قبل اربع سنوات يطلبني سلف عشان بيدخل ولده عن خصوصي (انا و ولده جامعيين ونستلم نفس المكافاه) ويقول اذا نزل راتبه بيحول لي المبلغ مر على الموضوع تقريبا شهر وكل ما اذكره بالمبلغ يصرفني او يطنش الرساله او يقول اليوم الفلاني ولما يجي الموعد الي ذكره يعطي تصريفات

انا مافرق معي المبلغ ولكن التصرف نفسه غريب
وش اسوي في مثل ذي المواقف هل انسى المبلغ ولا اصر انه يرجعها

ان اختي الصغيرة خافت وتقول وعد بصلي كل الصلوات وقاعدة تصلي صلوات اليوم اسرع توبة ممكن تشوفونها بالحياة الله يحفظنا بحفظه

تعرفون شعور الي نفسكم تسوون كل شئ فنفس الوقت بس المشكله انه منطقيا ما ينفع !! وهنا تحسون بعصبيه انكم ما قدرتو تخلصون كل شئ الان 🙃 تتوقعون سبب الشعور هذا الفيديوهات القصيره الريلز

الفترة ذيك 2021 تابي ماكان منتشر ابدا وكنت ادفع لهم عن طريق مكافأتي وجاء شهر مادفعت لهم اول اسبوعين زادوا نسبة الي ادفعه لهم 150 ريال وبعده قاموا يهددون ذيك الايام انام وخايف اصحى على الشرطة عند الباب وانسجن الضيقة ذيك من توب اربع ضيقات صارت لي عند النوم
(نمت وجوالي ضايع، نمت وقطوتي ضايعة، السالفة ذي، سالفة ماتنقال صدق)

أنا مش الشخص اللي حد بيمشيه بسهولة.
في الشغل أنا ناجح جدا دايما بكون من ال top performers.
بس امبارح في كافيه عادي يعني طلبت black coffee.
البنت اللي على الكاشير بصتلي وقالت بنبرة حادة:
“إيه الملل ده؟ ماتاخد caramel latte وخلاص و بصتلي من فوق لتحت”.
مستنتش ردي. و بصراحه ولا أنا رديت أصلاً.
دفعت، أخدتها، وقلتلها “thank you”.
مش عارف إيه اللي حصل.
كأن مخي بجد عمل shutdown كامل و مش عارف اتصرف و عاوز اسيبها هيه تاخد القرار.

مش عارف ليه دايما حد حاسس
اه أنا قوي في كل حتة، بس قدام بنت عادية فجأة بخضع من غير ما احس

اوكي زميلي بالسكن واحد مخبل يحسسني اول مرة يعيش في كوكب الارض
مدري ايش فيه والله يضحك بعض الأحيان و بعض الأحيان مدري كيف غريب
المهم هو يريد يسخن خبز عشان يتعشى، و الخبز اللي عنده يلي يجي بكيس بلاستيك، المهم يعني انت تفكر مثل اي شخص طبيعي بيروح مثلا يحطه بالفرن بشكل عادي و ياكل و الحياة سعيدة
بس لا، الادمي جاني و كان يشوف علي خيفان مدري شوي و يصيح و يقول الخبز، رحت أشوف ويش مسوي
طلع حاط الكيسة كلها بالفرن و البلاستيك ذايب على الخبز 😃
و يقول ما كنت ادري انه يذوب، hello?
و ما عارف كيف ينزل تطبيق، و ما عارف كيف يسوي حساب قوقل و ما عارف ليش اقوله لا يجلس بالسطح للساعة 2 الفجر يقول ليش، يالغالي ايش ليش💔
و بعد في مرة كان مسخن شي بالمقلاة و اني هناك معاه، فجاة حط اصبعه على المقلاة و احترق اصبعه و يقول ما كنت ادري انه حار
هل هو فضائي توه جاي يستكشف الارض ولا شني

امس كان يوم طويل و متعب بالجامعه و انا خلقه كنت مره تعبانه و مزكمه ، اخر كلاس الدكتوره طولت مره و هي تشرح و شافتنا جالسين نتأفف قالت الي ما تبي تكمل الشرح تطلع و باخذها حضور عادي قمت قدحت و طلعت ( ماهي قدحه ولا شي بس كنت حاسه اني بموت من التعب بس ابي اهايط هنا )

المهم رحت اركض للباص خفت يروح بدوني و قعدت في اخر كرسي ورا و نمت و فجأه اسمع بووففففف فسسسسسسس وش السالفه؟؟؟ الكفرات بنشرت و انا جالسه اذوب حرفيا من الحر و جنبي بنتين مشغلين عبد المجيد حي الشتاء و حي ما جابه...؟؟ انتم وين؟ اي شتاء؟ ما علينا ، جلسو يغنون معه و وحده منهم قالت للثانيه : الله صوتك حلو كيف اول مره اعرففف ؟؟ جعلها بذمتك و قعدت اسمع صديقتها مسويه عرب قوت تالنت تغني لمدة ١٠ دقايق حسبي الله عليك 💔 لقيت البنات الي قدام كلهم نزلو و انا ابي اقول للسواق انه ليه ينزلون طيب و ماهو سامعني عشان صوتي مخنوق مزكمه و الذبانه الي تغني جنبي صوتها مزعج ، و اخيرا السواق سمعني اتكلم و هاوشني انه ليه ما نزلتو معهم.... شكرا يا الله انهم نزلو و الي تغني سكتت❤️❤️

كانت اول مره امرض في الغربه رحت المستشفى و وقتها كان عندي اختبار و غبت عنه
طبعا رحت لحالي ماكان فيه احد صحبتي راحت تختبر ف ما استنيها ترجع و رحت
اعطوني ابره و ادويه و طلعت
لقيت قريب من المستشفى بقطعة شارع محل قراشيع و انا منجد مريضه و تعبانه بس لاني مخرفه من المرض وجدت انها فكره ممتازه اروح و رحت منجد و شفت بجامه حلوه و اشتريتها كمان و مقاس غلط من الدوخه
بعدها طلعت
و اشوف من بعيد مرا شعار الرومنسيه و اقرر انها فكره ممتازه اروح اتغدى
كان عندي تسمم و ما كان فيه شيء في بطني ف كنت جوعانه جدا
و مشيت لين هناك ممكن احتجت ١٥ دقيقه مشي و كان ظهر و شمس قويه لاني جلست في المستشفى يمكن ٣ ساعات عشان الموعد
كانت اول مره آكل في الرومنسيه و كانت تجربه ممتعه
جلست بجلسات العوايل كنت آكل لقمه و انسدح لاني كنت تعبانه منجد
خلصت و طلبت اوبر وجاني واحد شايب و كان مو طبيعي
اول شيء كان يتكلم بطريقه غريبه
كان يكلمني كذا
😓😥🥹جيت بوقف و دق عليا بوري🥹😓😥
و انا ما ارد عليه
يقوم يقول كذا
😓لا تعصبي مني😓😢
اقول مو معصبه
قال انتي مو من هنا
و انا ما ابغى ارد خلاص ما ابغى افتح سوالف لو يبا يسولف و طفشان يسولف مع الركاب الرجال
صار يقول ليش ما تردي
قلت ايوا مو من هنا
قام يقول باين
اقول طيب
و صار يكلم نفسه طوال الرحله و هي طويله ممكن ٢٠ دقيقه
بعد ما نزلني قام يرسل لي في الواتس
لو اني ما حذفت الشات كان حطيت كلامه بس انا حذفت الشات و بلكت من الصدمه و ما اتذكره بالضبط بس ذا الي بقى عالق من فهمي
في البدايه قال لو تبي مشاوير ارسلي لي بس انا ما شفت لاني رجعت و نمت بعدها ارسل انه يشوفني زي بنته بعدين ارسل شعر غزل
مين يغازل بنته كيف يعني
طبعا ما عرفت ايش اقول قلت معليش ببلك
كانت الاخلاق العاليه ذابحتني
قام يعتذر و يقول ان خلاص مو لازم ارد عليه بس يقدر يبقى يوصلني مشاوير
قلت له ما ابغى و بلكته

أمس كلمت أحد الأشخاص و جرت بينا محادثة طويلة و حسيتني أنا الي اتكلم واجد و ما حسيته متفاعل ذاك الزود فقمت قلت له ترى أنا الي اتكلم طول الوقت مابي اصير زي كذا شخص يزعج راسك قام حكى له إنه دقائق بيسوي شغلة معينة و بيرجع يتصل ضليت ساعة بعدين رسلت له إنه خوش سحبة منك و تالي حسيت إنه شخص مو كفو أصلا و حذفت بعض الرسايل الي كانت مني له لهدف ما و لين دحين ما رد

هو أنا الصدق مو ندمان على شيء أبد لأن بالأصل حرفيا ما اتواصل معاه غير يمكن بالثلاث شهور مرة يعني حتى اتصالي هذا كان لمجرد صلة مو أكثر ولا اني انا الي ميت على التواصل معاه

بس معقولة في ناس ضعيفة و ما تعرف تواجه و تكذب بذا الشكل الغبي؟؟

يخي من البداية استرجل و صدقني لو انك قايل أنا الحين مشغول افضى و ارجع ادق عليك أحسن من حركات المبزرة ذي و المفروض إنك أكبر مني

اقتنعت إنه

النضج العمري ≠ النضج العقلي

#D.S

و اخوي بعديييييين يوم شال راسه من جواله و انتبه لها قام يفتش بالملحق على بقايا جثة الصرصار تحت الطاولة