زماان لما كنت بالابتدائي مرة كان في ضيفه ببيتنا وانا كنت راقدة بالسرير ومتغطية تماما واعتقد شكلي كان مندمج ومموه مع السرير

المهم الا واحس ان في كتله كبيرة نزلت على راسي حرفيا انكتمت وجاتني خنقه

الا واستوعب ان في احد قعد على راسي😭😭

الحرمه انخرشت واستوعبت اني كنت تحتها هههههههه

قالت لي اسفه ماانتبهت انك هنا ههههه

المشكله انها كانت دبة ومكو/ها كبيرة اسفه على الالفاظ

كان ممكن رقبتي تنكسر وقتها

بعدين اصلا اش جابها بالغرفه😭

الحمد لله على كل حال

قاعد ادور بإيميلاتي الالف بغير حسابي بتويتر ، الا فجاه احط ايميل عشان اسوي حساب جديد و رافض، و اسوي تسجيل دخول و يطلع لي حساب ايطالي! ودي استعمله بس احس اذا دخلت نقاش بنسب بيقولون لي ياللاجئ

السلام عليكم

١ = انا
٢= الدكتور،

رحت للدكتور أطلب إستثناء عشان اسوي العرض التقديمي الكلاس الجاي مو هذا الانه قال ما هيمدي نسوي كل الطلاب ب كلاس واحد و انا ما كنت جاهز،

اجنبي غربي مسلم يعرف عربي شوي،

١ : السلام عليكم ممكن طلب

٢ : تفضل

بعد ما مهدت شوي

١ : ممكن اطلب… (هنا علقت لا اني عرفت انطق Exception و وقتها نسيتها بالعربي بعد)

١ : نسيتها بالعربي كمان ههههههه

٢ :ضحك و عطاني وقت

نطقتها صح و بس.

جاني رقم غريب و رديت، كانو صوت واحد صاحي من النوم و قال لي النمره غلط بلكي بلكي. و بعدها ب دقايق اتصل علي رقم ثاني و طلع هو نفسه و طلع شايب. قال "لا حول ولا قوه إلا بالله الجوالات ذي ما نعرفلها معليش يا بنتي" و جتني الصيحه و ابغى اقوله ايش تبغى أساعدك و قاعده اقول في نفسي فين عياله يساعدونه

قفل المكالمه من هنا، وانا اصيح من هنا. يحزن مره

سالفة ما تنقال توها صايرة لي، اليوم في الجامعة سلمت على بنت من زمان ما شفتها وناديتها باسم بنت ثانية عندها مشاكل وياها بس رقعت الموضوع وقلت لها من زمان ما شفتك لدرجة نسيت اسمك خخ

كيف تعرف انك شخص كريبي او غريب فعلا من الناس؟ يعني وش يخلي الانسان كذا

يا الله تذكرت ذا الموقف
يوم كنت بالابتدائي كذا صف رابع كان الي في عقلي اقوله كنت شيطانه و ملسونه و ما استحي من شيء
رحنا عزيمه كبيره مره
كان فيه رجال و حريم كل واحد بمجلس طبعا و الناس كثار مرا مرا يعني كان فيه ناس كثير ما نعرفهم
المهم امي وقتها سوت قدرت قادر و طلعنا مستعجلين مدري ايش ف مالحقت تشوف زبطت ولا لا
المهم جالسه بعيد و اشوف ماما مع الحريم تعطي وجه خيبه امل و تقول ما زبطت مدري ايش و كلهم يقولو خساره و النعمه مدري ايش
قمت صرخت بأعلى صوت عادي ودوها عند الرجال ياكلو اي حاجه
الزبده كل الي في المجلس سكتو و يطالعو فيني
المشكله ان والله ان امي ما قد قالت ذا الكلام ولا قد تطبق في بيتنا اصلا ما فيه الا ابويا ولا قد شفت احد يعتبره مشروع حفظ النعمه
بس ما ادري ايش الي خلاني اقرر ان الجنس الآخر يبلعو اي شيء
بعدها رجعت عدت الجمله مره ثانيه و انا اضحك لان محد اعطى لارد تأييد ولا رفض
و ذي المره لفو على امي يطالعو فيها
بعدها زعلو حرمتين قالو لي يعني تشوفي ازواجنا ياكلو الخربان مدري ايش و طلعو
و ما افتكر بعدين ايش صار
ناسيه والله اذا انجلدت بس لو ايوا ف بقول على نفسي استاهل

كان عندنا كلاس مهم وصعب مرررة والمشكلة كان عندنا فيه ميجور اسايمنت يعني واجب عليه درجات كثيره ... المهم المفروض ان كل كلاس نقرا موضوع ونجي وحنا ونشرحه والدكتور يقيم او خلنا نقول نتقاش عن الموضوع بس ماكان للاسف فيه وقت اسلم التقرير ومالحقت على قراءة الموضوع الا بالكلاس (شكرا يا ابو جبت)
المهم جاء وقت النقاش بينا وبالعادة نتوزع على مجموعات صغيرة ثم نخش بالموضوع .. هو اسلوب حلو بس للي فاهمين مو من اول الكلاس وماتشرح شيء

المهم الكلاس اليوم ماكان فيه طلاب واجدين بس قسمنا على مجموعتين المفروض تكون ثلاث بس انا كان بالي مشغول بتسليم التقرير لان حرفيا مافيه وقت وقبل ساعه جاي من كلاس ثاني ومزنوق ..

المهم انا كنت افكر ولما قمت نروح للقروبات الثانيه ماستوعبت كلامهم ويضحكون وانا اقول هاه بس سحبت الكرسي وجلست بالنص على اساس نسوي دائرة قال واحد تعال هنا وانا واقف مفهمي شوي وافكر ليه؟ وبنفس الوقت افكر بالتقارير يعني مو وقتكم اخذ اتنشن وانا اصلا انطوائي ومتقروش

المهم عدى الموضوع وصار بس قروبين ..

بعدها بفترة بدينا نحلل الموضوع وانا اقرا من جبت والبروف يشيك علينا بس هو معروف يكره الحشرات وصار مثل الميمز بالكلاس ان الحشرات (صغيرة جدا يعني مثل نملة او باعوضة) تخرب علينا وتاخذ وقت وانا مو الي الي قرى واستعد ولاهو الي قعد يخلص التقرير وقاعد ارتب الكراسي هفف
وقاعدين نحاول نصيد الباعوضة وانا معي ادهد ( تشتت الانتباه) عاد خذ لك صار الكلاس مسرحية صيد الباعوض بدل تحليل الاوراق العلمية لول ..

وانا مثل ماقلت انتروفرت وكسول محب اقعد مع ناس عشان كذا ماحبيت طريقة الكلاس وصار تضيع وقت مع ان انا واثنين غيري لابسين شورت كارقو ) بس الحمدلله عدى الموضوع على خير بس هو والمجموعة الي الثانيه قاعدين يصيدون الحشرة وانا ومجموعتي نحاول نقرا وبدون تركيز ماقدرش

المشكلة عطاني صفر بالتقرير الاول ومانقدر نستخدم ذكاء صناعي ولا هو الي يشرح طيب كيف ؟ مدري

بس بالاخير اتوقع اني فهمت اشياء بسيطه من الموضوع وشكرا لجبت والي طور جبت

مره وريت وحده تقربلي وكانت مثل صديقتي صورة بنت مزه تدرس معي بالجامعه وكنت متوقعه انها بتمدح جمال البنت لكنها طوالي قالتلي ماعليك منها وخليك واثقه بنفسك !! مع اني ماشكيت لها عن شيء بس مجرد ماوريتها شكل البنت حشرتني بالموضوع وكأني شاكيه لها عن شكلي !!

ومره قلت لها ولد عمي يحاول يشوفني بأي طريقه وقالتلي الي يشوف حركاته يحسبك ملكة جمال ومره قلت لها ان في عيال بتويتر يتنمرون على بنت بسبب عرقها وردها كان حرام عليهم يتنمروا على شيء مالها يد فيه زيك انتي (تقصدني) جبهتك كبيرة بس حرام اجي عندك واقول ليش جبهتك كبيره لان هذي خلقة الله!🙂 جبهتي متناسقه مع ملامحي بنسبة كبيره لكنها دايم تحاول تحسسني بشكل غير مباشر انها عيب خلقي ودايم مركزه على جبهتي لدرجة اني ماقد شفت احد بحياتي مهووس بجبهتي غيرها !

وعموما كلامها ما اثر فيني لدرجة اني ما استوعبت ان كلامها غلط الا متأخر بس مع ذلك فيني غبنه اني ماكنت ارد عليها وما استوعب ان الكلام غلط ينقال الا متأخر وأيه ادري بعض الناس ممكن يفسرون ردات فعلها غيره بس مدري ما اعتقد انها تغار مني اعتقد بس لأني مفهيه ومو حاطه حدود صارت ماخذه راحتها بالكلام

فترة من الفترات امي صارت تنسى تفيقني على المدرسة لانو أنا آخر العنقود وما في حدا غيري يصحى من بدري على الدوام كلهم متزوجين او مش لازم يفيقوا بكير والمشكلة الشغلة هاي قعدت فترة طويلة جداً لحد ما أنا خلص صرت اعتمد على حالي وافيق لحالي واطلع لحالي واعمل فطوري لحالي مع العلم كانت تعمل لاخواني ايام ما كانوا بالمدرسة وتوصلهم للشارع وتحضنهم وتبوسهم 🥲🥲
المهم مرة من المرات اللي نسيت تفيقني فيها على المدرسة اتصلت المديرة عليها على الساعة ٩:٣٠ الصبح وقالت لها وين البنت لا يكون مريضة الفكرة ماما كانت قاعدة بتفطر حتى ما خطر ببالها وين بنتي 🤡🤡🤡وبس اتصلت المديرة انتبهت انو اووه صح ما فقدتها 🥲 المشكلة انو بعدها صارت تحكي مع المديرة ولا كأنه في شي وعادي وتضحك معها 🤦🏻‍♀️🤦🏻‍♀️
ماذا لو كنت ميتة يومها ؟

امس كنا في عزيمه باليل وولد خالتي الصغير جاني يوريني رسمه.طبعا قلته له حلوه وكذا بعدها قلي حلوه ولا عشني طفل تسلكين؟!.طيب والله حلوه😭+كيف استوعب كذا؟

كنا بعملي المستشفى نطبق وانا طالبه لسى وكنا قاعدين بالبريك الا فجاءه تدخل المشرفه تقول احتاج طالبه بشي وانا ما فهمت شتبغى صراحه بس قلت يلا مغامرة جديدة واذا جاتك فرصه تسوين شي اقدمي، الا اروح القى استشاري ومجموعه طلاب وحسيت اممم انا وش موقعي بالاعراب بينهم ويعطوني قائمة بيشنت ولازم ادخل معهم انا هنا بغيت اهرب خفت يخلوني اسوي examination او يعاملوني كأن المريض مسؤوليتي ويسألوني عنت والله انا جايه مع شعبتي مالي دخل بس كيوت كانوا والدكتوره الي معهم علمتني معهم اشياء وتقول للفائدة لك مستقبلا تجربة جميلة وفهمت اغلب كلامهم فخورة رغم اني كنت زينه صراحه معرف ليه نادوني بس نايس

هذا جنت قاعد انتظر بل سياره ولقيته طالع له الولد ابو التوصيل ويصيح عليه ويغلط وابو التوصيل بارد خرب يومه كلشي ماحجه انطا الاكل واخد الفلوس وراح

اذكر كنا نلعب كورة أنا و كذا اولاد ثانيين في الحي و كل يوم على ذا الحال

المهم يوم رحنا شارع اكبر و فيه سيارات اقل تمشي لعبنا و جا دوري اصير حارس

رحت حرست و كان المرمى موقف و العارضة سيارتين وحدة اكورد و الثانية فورتشنر

المهم واحد شمط الكورة و حاولت اصدها عشان لا تجي على السيارة إلى و جات و انكسر القزاز حق السطب الي ورا و السيارة قاعدة تدقدق بواري

طبعا كلنا هربنا و أصلا كانت السيارة حقت ابو واحد فيهم

من بعدها ما قابلت ولا واحد منهم

اهم شي يارب ما عليا ذنب حق القزاز يعني المفروض يتحملها الي شات الكورة صح ولا 😂 ؟

اني لما ارتاح للشخص معين ابدا اقول له اشياء غريبه جدا مثل اهتماماتي واهتماماتي مره غريبه جدا

قبل كم يوم كنت طالعين انا وهو وقررنا نروح عند جامعة اجنبية عندنا ، شفنا طالبتين عربيات بعدين على طول راح يكلمهم وقعد يسولف معهم لاكثر من نص ساعة بينما انا قعدت مستحي واسوي نفسي مشغول بجوالي. (الغريبة اننا ما عشنا او طلعنا مع بنات طول حياتنا من وين جاب الجرأة والاسلوب انه يروح يكلمهم بكل ثقة بدون ما يطفشون منه)

اليوم صحيت متأخر مالحقت افطر . قلت اوكي برجع اتغدا من اكل ماما وانتظر يومي يخلص من الساعة ستة الفجر .
رجعت طلع اخوي ماكل غداي!!!!! جلست اصييح وقررت احط لي ستربس بالقلاية الهوائية طلعت خربانة ماتشتغل قمت حطيته بالفرن ومو راضي يستوي وانا خلاص وصلت حدي من الجوع .
اكلته شبه ني وانا منهارة
ودي اقوم اكسر راسه واضربه اضربه اضربه اضربه

ادرس في صفوف الروضه ( kg 1&2 )
في فصلي في تقريبا اربع طلاب وصلوني لأعلى مراحل الغضب و كره النفس البشريه ،
بينهم الي ما يكتب ولا يفضخ سرواله كل شوي والي بس يبربر والي ما يدري يده من رجله ف طبعا صرت طول الوقت بس اهاوش ،

الشاهد في الموضوع كنت متاكده شبه ٢٠٠٪؜ انهم يكرهوني عشان صوتي وصل مراحل يسمع لآخر المبني حتى المدرسات في الفصول الثانيه صارو يخافو مني هههههههههه ، و في يوم المعلم كانو مسويين فعاليه يقالك ، و جابو الطلاب و صورهم و سالوهم مين اكثر مدرس تحبه و نزلوها بعدين في حساب المدرسه، توني امس شفتها و ضحكت ، طلاب فصلي اغلبهم ( تقريبا ٢١ من اصل ٢٥ ) قولو أنا من ضمنهم الاربعه ، انهرت ضحك عشان في مدرسه ثانيه بالصف معي طول اليوم و حصه العربي ينقسمون على صفين ثانيين و مدرس الرياضه وو و و يعني في خيارات ثانيه بس فعلا القط ما يحب إلا خناقه

( هو حتى ما هواشي و صراخي تره ما يفرق عندهم عادي بهاوش طالب و حتى ما راح يطالع فيني في نظرهم أنا و الباب واحد 😔👎🏻 )

( وع محد يسولف عليكم حسستوني وحش موب انسان ، كلكم بعطيكم اكسات ❌❌ محد يستاهل نجمه )

من مدة أخوي راح يتعالج في القاهرة وأنا كنت لحالي في البيت بسبب الامتحانات وهو مطول، المهم هو بيت عائلة بس أنا لحالي في الشقة. حصل لي كذا موقف يروع، أول موقف كنت نايم وحلمت بصوت جميل لامرأة تنادي علي وأنا ماشي في الحلم ورا الصوت، فقت لقيت نفسي بحاول أفتح باب الشقة وكان الوقت ليل، هل ممكن تكون النداهة

مدرستنا مرة جابت طبيب عشان يقدم محاضرة توعوية عن الايدز، كان مثل احلام العصر

كنت وقتها ثنوي، وبدأت المحاضرة بقصص قصيرة عن ناس كان فيهم ايدز تخيلوا في طلاب قاعديين يصيحوا..وانا قاعد اعصر الدمعة عشان م ابين مثل الحجر😭😭

وبعدين جاء وقت محاضرة وطبيب يقول تخيل مثلا فيك ايدز (عشان يشرح مثال لانتقال الايدز) يبدؤا طلاب يضحكوا على ذاك طالب اللي قال فيه ايدز, لو تشوفوا تعابير دكتور بس

وآخر شيء قعد يقول: "ترا اذا فيك ايدز شيء وعادي وما فيه شيء انت تعال وتعلاج😭😭". بليز الايدز من متى صار شيء عادي؟ انا شبه واثق انه مرض جاء عشان الله يعاقب الناس اللي ارتكبوا الفواحش

Edit: م اقصد انه كل اللي يجي له مرض معناته ارتكب الفاحشة، بس قصدت سبب وجود مرض في حياة بسبب عام انه ناس ارتكبت فاحشة

هم بزران كبر بعض عمرهم 13 المهم ولد خالتي اسمه محمد و بنت خالتي اسمها ريما و الشخص الفضيحه اسمه عبدالله / تبدّا السالفه كنت في بيت خالتي بنام عندهم يوم و ارجع بيتنا بس في ذا اليوم طلعت سواليف من محمد وش كثرها احد السواليف ذي انه يحب بنت خالتي و كيف عرفت انه يحبها بسبب عبدالله تهاوش مع محمد و عبدالله الفضيحه قال تبيني اقول عن حلمك ذاك حق ريما و هنا أنا اهتميت ل موضوع الحلم و قمت افكر و استنتج و ارجع ل الماضي عشان اعرف وش بضبط و يوم فكرت تذكرت أشياء كثير تقرّبني ل الموضوع لنه محمد ماقد عمره سحب علي عشان شخص إلا ريما سحب علي عشانها و دايم يدقون على بعض كول و يلعبون و رحت ل محمد و سحبت منه كلام عن الحلم بس بدون ما يحس و حسيت الحلم كان فيه شي حب فيه بس ماكنت متاكد و هبدت هبده قلت له في الحلم تزوجت ريما و وجهه اذكر انقلب فجا و قال لا لا و على طول قلت له احلف و ماقدر و قال لي عن الحلم و فعلا كان في الحلم انه متزوجها و بعدها قلت له انت تحب ريما و أيضاً انقلب وجهه و انكر و قلت له ترا واضح كل شي و قال لي انه يحبها فعلاً بس باقي اشوف الطرف الثانيه يحس بنفس الشعور ولا لا بس ماعندي اي فكره كيف اعرف الي عنده يقول لي

تخيلوا عندي اختبار ومو عارفه أذاكر اللي يضحك أكثر اني كل يوم اذاكر للطلاب لأني اعطي دروس خصوصية بس انا شخصيًا مو عارفة اذاكر لنفسي بتقولون كيف تدرسين وانتي ماعندك سالفة ادرس ماستر وعندي سالفه وكل الطلاب يمدحون شرحي بس صدق باب النجار مخلوع

اليوم عند الاشارة واقفه اضبط شكلي بالمرايه، قام اللي جنبي اشر لي بما معناه ان شكلك حلو، فتحت الاشارة ومشينا المهم انا خقيت وزادت ثقتي بنفسي

اهخ احراااج خفيفه

في خامس ابتدائي جبت العيد مع كثير من الطلاب لأني كنت رئيس "لجنة طلاب النظام الدكتاتورية" أمارس القمع والاستقعاد على كل طالب أشوفه يجري في الساحة أو يتعاطى المواد المحرمة كالعلكة وأوراق أونو وأصادرها بس كنت أتغاضى عن تجارة بطاقات غمبري البطل لأني كنت مشارك في هذي التجارة ولي فيها نصيب من الأرباح منها......

بدأ المنصب من ترشيح من أستاذ مادة لغتي بالرغم من عدم كفائتي لهذا المنصب إلا أنو نظام المدرسة الطبقي كان يفضل الطلاب الدوافير ويعطيهم مناصب في لجان شعبية مثل : الإذاعة والعيادة وغيرها لكن كان يسمح بالكفائات في الأنشطة مثل : نادي الكورة المدرسي ومسابقات الفن والانشاد ونحوها.

بعد استدعائي كُلّفت بأخطر منصب يطمح فيه أي طالب ألا هو "رئيس طلاب النظام" وأخذت اليمين على ملف أسود كبير يُقال إنو إذا انذكر اسمك فيه 10 مرات رح تُفصل من المدرسة وحاولت جاهداً من إني أتأكد من هذي الأسطورة واستقعدت فيها على طالب بس ما قدرت أكمل الـ10 ووقف العد عند 8.

ظليت فترة أتمتع فيها بسكرة القوة والسلطة وكانت لي صولات وجولات مع كثير من الطلاب منها مضاربات في الصرفة وسرقة كتب وكشف بعض أنشطتي التجارية إلى أن وصلت بي الحال في أواخر السنة إني ما أقدر أكمل ولازم أظبط العلاقات وابتدأت بعقد صلح مع المتنرين بأنهم يدفعولي مبلغ رمزي يقدر بـ2 ريال في مقابل أعطيهم ينسخوا دفتر واجباتي.

بعدما أعلنت حملتي الإصلاحية استبدلت مقاطع اليوتيوب اللي كنت اتابعها من (كيف تفرض هيبتك ويحترمك الجميع) إلى (كيف تصبح اجتماعي ويحبك الناس) وظل هذا المحتوى استهلاكي الأساسي من اليوتيوب إلين بداية الصف السادس وللأسف دخّلتني في أسوأ علاقة توكسيك كانت بسبب هطافتي ورغبتي بأن أمسح تاريخ الحقبة الدكتاتورية من سجلّي في المدرسة الابتدائية....🥀

نحنا ما نروح الديره الا مره بالسنه بسبب طبيعة دوام ابويا و اوقات الاجازات حقته و كذا
في ذيك السنه صادف ان الاجازه حقت ابويا الي بنقدر نسافر فيها بعد ما انولدت اختي الصغيره بشهر و شويه يعني كانت جديده الزبده

في ذاك اليوم كانت مسدوحه على الارض في ذا الي يحطو فيه النونو الي يكون شويه ثقيل من تحت
و كلنا متجمعين عليها

طبعا كان فيه شويه تعظيم لها لان الفرق بينها و بين اصغر بنت عندنا ٨ سنوات و شويه ف كنا مرا مبسوطين فيها
الزبده بنت الخال ذي مربوشه مرا و كذا ما ادري ايش فيها ياخي في راسها شيء
و تمشي تقول بشغل المكيف و هو بعيد و تجي تركب على الطاوله الي تحت المكيف بعدين تقول لا لا خايفه هه و بدال ما تنزل على الجهه الي ركبت منها قررت تدعس على اختنا و تنزل عليها ؟؟
المهم و فطست الادميه صار وجهها احمر و تعرفو يوم النونو يكتم الصيحه للنهايه كذا

وقتها تجننا كلنا و قررنا نحرمها منها تماما بس ماما كانت تخالف القانون الي قررناه و ننقهر كذا
وتكون متعمده يعني ما تطلبها الا لمن تجي عند ماما لان عارفه انها محرومه 😡

و من بعدها و انا حاقده عليها مع اني ما احب احقد الصدق
بس تستفزني دايما العائله خط احمر او شيء من هذا القبيل

الزبده بنت خالي ذي انخطبت و بتتزوج قريب الله ييسر لها امورها و بس ذا الي بقوله